- 2022-10-28 12:26:47
- ព័ត៌មាន
ខ្សែការពារ Arsenal រងរបួសដោយការចាក់ប្រហារដោយជនសង្ស័យវិកលចរិតម្នាក់
- 2022-10-28 12:26:47
- ចំនួនមតិ 0 | ចំនួនចែករំលែក 0
ខ្សែការពារ Arsenal រងរបួសដោយការចាក់ប្រហារដោយជនសង្ស័យវិកលចរិតម្នាក់
ចន្លោះមិនឃើញ
ខ្សែការពារអេស្ប៉ាញ និងក្លឹប Arsenal កីឡាករ Pablo Mari បានរងរបួស ក្រោយពីមានហេតុការណ៍ចាក់ប្រហារនៅផ្សារទំនើបមួយ នាឯទីក្រុង Assago ក្បែរទីក្រុងមីឡាន ប្រទេសអ៊ីតាលី កាលពីយប់ថ្ងៃព្រហស្បតិ៍។
ខាងប៉ូលិសច្រានចោលថា ហេតុការណ៍ស្ថិតក្រោមហេតុផលភេរវកម្ម ប៉ុន្តែការសន្និដ្ឋានបឋមរបស់សមត្ថកិច្ចបានឱ្យដឹងថា ការចាក់ប្រហារនេះបង្កឡើងដោយសារតែជនល្មើសអាចជាមានបញ្ហាវិកលចរិត។ សាក្សីបានឱ្យដឹងថា ជនល្មើសបានដកកាំបិតចេញពីធ្នើរដាក់លក់នៅផ្សារទំនើប ហើយដើរចាក់គេចាក់ឯងដោយមិនរើសមុខ។
ហេតុការណ៍នេះបានបង្ករបួសដល់មនុស្ស ៥នាក់ (រាប់បញ្ចូលទាំងកីឡាករ Mari) ហើយបុគ្គលិកផ្សារទំនើបម្នាក់បានបាត់បង់ជីវិត។ អំឡុងពេលនោះ ខ្សែការពារ Mari បានដើរផ្សារជាមួយប្រពន្ធ និងកូនប្រុស ហើយនៅពេលដែលត្រូវបានគេចាក់ កូនប្រុសរបស់ Mari ស្ថិតនៅរទេះរុញនៅឡើយទេ។
យ៉ាងងណាមិញ កីឡាករ Arsenal នៅលេងក្នុងលក្ខខណ្ឌខ្ចីជើងនៅក្លឹបអ៊ីតាលី Monza រូបនេះនឹងទទួលបានការវះកាត់នៅថ្ងៃសុក្រនេះ ប៉ុន្តែស្ថានភាពរបស់គេមិនជាបញ្ហាគំរាមកំហែងដល់ជីវិតនោះទេ៕