- 2022-10-06 11:27:24
- ព័ត៌មាន
គ្រូបង្វឹក Spurs មួយរូបបានទទួលមរណភាព
- 2022-10-06 11:27:24
- ចំនួនមតិ 0 | ចំនួនចែករំលែក 0
គ្រូបង្វឹក Spurs មួយរូបបានទទួលមរណភាព
ចន្លោះមិនឃើញ
គ្រូបង្វឹកផ្នែកកាយសម្បទារបស់ក្លឹប Tottenham Hotspur លោក Gian Piero Ventroneបានទទួលមរណភាពក្នុងជន្មាយុ ៦១ឆ្នាំ នៅថ្ងៃព្រហស្បតិ៍នេះ។ នេះបើតាមសេចក្ដីសម្ដែងមរណទុក្ខរបស់ក្លឹប។
បើតាមប្រភពខាងលើ បុរសជនជាតិអ៊ីតាលីរូបនេះបានចូលរួមជាមួយក្លឹប ក្រោមការដឹកនាំរបស់អ្នកចាត់ការក្លឹប លោក Antonio Conteកាលពីខែវិច្ឆិកា ២០២១កន្លងទៅ។ លោកធ្លាប់ធ្វើការនៅក្លឹបយក្សអ៊ីតាលី Juventus អស់រយៈពេល ១០ឆ្នាំពីឆ្នាំ១៩៩៤ ដល់ឆ្នាំ២០០៤ ហើយក្រោយៗមកទៀតលោកបានបម្រើការងារនៅប្រទេសបារាំង ក៏ដូចជាក្លឹបបាល់ទាត់នៅស្រុកចិនផងដែរ។
លោក Ventrone ទើបតែរួមរស់ជាមួយ Spurs ទេ តែក្លាយជាបុគ្គលដ៏មាន «ប្រជាប្រិយ» និង «គួរឱ្យស្រលាញ់រាប់អាន» ក្នុងចំណោមកីឡាករ និងបុគ្គលិកក្លឹបទាំងអស់។ នេះបើតាមការបន្ថែមរបស់ក្លឹប។
បន្ទាប់ពីមរណភាពរបស់លោក អ្នកចាត់ការក្លឹប Spurs ក៏ដូចជាកីឡាករនានាបង្ហាញពីក្ដីក្រៀមក្រំចំពោះដំណឹងមួយនេះ។
យោងតាមការចុះផ្សាយរបស់សារព័ត៌មាន Daily Mail លោក Ventrone បានស្លាប់ភ្លាមៗកាលពីថ្ងៃព្រហស្បតិ៍ នាឯមន្ទីរពេទ្យមួយនៅប្រទេសអ៊ីតាលី ដោយជំងឺសួត៕