- 2022-09-28 13:00:05
- បាល់ទាត់
មេ PSG មិនពេញចិត្តនឹង Barca លក់ភាគហ៊ុនក្លឹប ដើម្បីទិញ និងចុះឈ្មោះកីឡាករ
- 2022-09-28 13:00:05
- ចំនួនមតិ 0 | ចំនួនចែករំលែក 0
មេ PSG មិនពេញចិត្តនឹង Barca លក់ភាគហ៊ុនក្លឹប ដើម្បីទិញ និងចុះឈ្មោះកីឡាករ
ចន្លោះមិនឃើញ
លោក Nasser Al-Khelaifi ប្រធានក្លឹប Paris Saint Germain បាននិយាយទៅកាន់សារព័ត៌មាន POLITICO នៅក្នុងថ្ងៃនេះដោយសម្ដែងការមិនពេញចិត្តនឹងក្លឹប Barcelona ដែលបានលក់ភាគក្លឹប ដើម្បីសម្របសម្រួលនឹងច្បាប់ហិរញ្ញវត្ថុក្នុងទិញ និងចុះឈ្មោះកីឡាករសម្រាប់រដូវកាលក្ដៅកន្លងទៅនេះ ដោយស្មើឲ្យ UEFA ស៊ើបអង្កេតរឿងនេះ។
លោក Al-Khelaifi បាននិយាយថា៖" សួរថារឿងដែលគេធ្វើហ្នឹងគឺស្មើភាពអត់? គឺថាទេ មិនស្មើភាពគ្នានោះទេ។ ធ្វើអញ្ចឹងស្របច្បាប់អត់? ខ្ញុំមិនដឹងដែរ។ ប្រសិនបើនៅតែឲ្យពួកគេធ្វើអញ្ចឹងទៀត ច្បាស់ណាស់ក្លឹបផ្សេងក៏ធ្វើអញ្ចឹងដែរ។ ពិតណាស់ UEFA មានច្បាប់ហិរិញ្ញវត្ថុអីច្បាស់លាស់ អញ្ចឹងពួកគេត្រូវមើលរឿងហ្នឹងមែនទែន "។
លោកបន្តថា៖" ច្បាប់ថ្មីទាក់ទងនឹងរឿងចាយវាយ ប្រើប្រាស់ហិរញ្ញវត្ថុនេះគឺការអភិវឌ្ឍដ៏វិជ្ជមានមួយ តែយើងត្រូវប្រុងប្រយ័ត្តមើលឲ្យស្រួលបួលបន្តិច។ ការមានបំណុលកម្រិតខ្ពស់ ដុះដូរនឹងភាគហ៊ុនអីបែបនេះជារឿងមិនល្អយូរអង្វែងដល់ក្លឹបក្នុងការប្រព្រឹត្តបែបនេះឡើយ "។
កាលពីរដូវកាលទិញដូរកីឡាកររដូវកាលក្ដៅកន្លងទៅនេះ Barca នៅតែអាចធ្វើការនាំចូលកីឡាករ និងចុះឈ្មោះចូលក្នុងក្លឹបក្នុង La Liga ជាច្រើន ខណៈចំណូលនិងចំណាយក្លឹបនេះត្រូវក្លឹបដទៃមើលឃើញថាមិនស្មើភាព ប៉ុន្តែជាលទ្ធផលក្លឹបនេះបានធ្វើលក់ភាគហ៊ុនផ្នែកមួយចំនួន ដើម្បីដោះស្រាយរឿងនេះ ដែលធ្វើឲ្យអ្នកវិភាគ និងក្លឹបដទៃបង្ហាញពីភាពមិនសប្បាយចិត្ត៕