Mbappeថា Real Madrid ដូចជាផ្ទះរបស់គេអញ្ចឹង

2022-09-06 12:53:28
បាល់ទាត់

2022-09-06 12:53:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Kylian Mbappe បានធ្វើការឆ្លើយតបនឹងសារព័ត៌មាន New York Times នៅក្នុងថ្ងៃនេះថា ក្លឹប Real Madrid ហាក់បីដូចជាផ្ទះរបស់គេអញ្ចឹង ខណៈការបន្តនៅ Paris Saint Germain ព្រោះធ្វើតាមសំណើរបស់ប្រធានាធិតបតីបារាំង។

ទាក់ទងអនាគតនៅ PSG កីឡាករ Mbappe បានឆ្លើយតបថា៖" អ្នកមិនដឹងទេថានឹងទៅមុខទៅនឹងមានអ្វីកើតឡើង។ ខ្ញុំមិនធ្លាប់បានទៅហ្នឹងទេ តែវាហាក់ដូចជាផ្ទះរបស់ខ្ញុំអីអញ្ចឹង "។

ខ្សែប្រយុទ្ធរូបនេះក៏បានប្រាប់ត្រង់ៗរឿងរ៉ាវបន្តនៅបន្តនៅ PSG ផងដែរថា៖" ខ្ញុំមិនដែលធ្លាប់ស្រមៃទេថា ខ្ញុំនឹងនិយាយជាមួយលោកប្រធានាធិបតីរឿងអនាគតនៅក្នុងអាជីពបាល់ទាត់របស់ខ្ញុំ អញ្ចឹងគឺថាអស្ចារ្យៗខ្លាំងមែន។ គាត់ប្រាប់ខ្ញុំថាគាត់ចង់ឲ្យខ្ញុំនៅបន្តទីនេះ គាត់មិនចង់ឲ្យខ្ញុំចាកចេញឥឡូវនេះទេ ព្រោះខ្ញុំសំខាន់ចំពោះប្រទេសជាតិនៅខណៈនេះ។ គាត់ថា ខ្ញុំនៅតែមានពេលចាកចេញអញ្ចឹង គ្រាន់តែចាំបន្តិចទៀតសិនទៅ។ អញ្ចឹងច្បាស់ណាស់ ពេលប្រធានាធិបតីនិយាយអញ្ចឹងហើយ ត្រូវគិតគូរធ្វើតាមហ្នឹងហើយ "។

ការបន្តកុងត្រាថ្មីរបស់ Mbappe ជាមួយ PSG ធ្វើឲ្យអ្នកគាំទ្រជាច្រើនខកចិត្ត ព្រោះមជ្ឍដ្ឋានបាល់ទាត់ទូទៅជឿជាក់ថា គេនឹងផ្លាស់ទៅ Real Madrid ក្នុងរដូវកាលនេះ ព្រោះតែក្លឹបនោះជាក្លឹបដែលគេចង់ទៅរហូតមក៕

ប្រភព៖ Goal ប្រែសម្រួល៖ ហ៊ីម រស្មី