/6311ec983cffb_1662119040_medium.jpg)
- 2022-09-02 11:45:41
- បាល់ទាត់
ល្បីថា PSG ចង់លក់ Neymar ទៅឲ្យ Man City តែត្រូវបានបដិសេធ
- 2022-09-02 11:45:41
- ចំនួនមតិ 0 | ចំនួនចែករំលែក 0
ល្បីថា PSG ចង់លក់ Neymar ទៅឲ្យ Man City តែត្រូវបានបដិសេធ
ចន្លោះមិនឃើញ
ក្លឹប Paris Saint Germain មានបំណងលក់ ខ្សែប្រយុទ្ធ Neymar ដែលជាពិសេសចង់លក់ឲ្យក្លឹប Manchester City កាលពីកំឡុងពេលរដូវកាលដោះដូរកីឡាករសម្រាប់រដូវកាលក្ដៅកន្លងទៅនេះ។ នេះបើយោងតាមការចុះផ្សាយរបស់ Marca នៅក្នុងថ្ងៃនេះ។
បើយោងតាមប្រភពខាងលើ PSG ចង់លក់ Neymar ដើម្បីសម្រុះស្រួលស្ថានភាពនៅក្នុងក្រុម ជាពិសេសកីឡាកររូបនេះត្រូវបានគេសន្និដ្ឋានថា ហាក់ដូចជាមានភាពរកាំរកុះជាមួយនឹង ខ្សែប្រយុទ្ធ Kylian Mbappe ដែលហេតុនាំឲ្យក្លឹបបារាំងចង់លក់ចេញ។
ទោះជា PSG បានសាកសួរនាំចង់លក់ Neymar ឲ្យ Man City យ៉ាងណាក៏ដោយតែក្លឹបយក្សអង់គ្លេសនេះបានបដិសេធ ព្រោះគេបានទិញយកខ្សែប្រយុទ្ធ Erling Haaland រួចរាល់ហើយអញ្ចឹងគឺគ្រប់គ្រាន់សម្រាប់ក្រុមគេហើយ។
ទាក់ទងនឹងបញ្ហាអនាគត Neymar នៅ PSG ខ្សែប្រយុទ្ធរូបនេះធ្លាប់លើកឡើងថា គេមិនចាកចេញទៅណាទេ គេចង់នៅបន្តនៅទីនេះ។ កីឡាករនេះនៅមានកុងត្រានឹង PSG រហូតដល់ឆ្នាំ២០២៥៕
