- 2022-08-24 04:11:39
- កីឡាផ្សេងៗ
កម្ពុជាចំណេញអ្វីខ្លះពីការទទួលធ្វើម្ចាស់ផ្ទះរៀបចំមហាសន្និបាតក្រុមប្រឹក្សាអូឡាំពិកអាស៊ី
- 2022-08-24 04:11:39
- ចំនួនមតិ 0 | ចំនួនចែករំលែក 0
កម្ពុជាចំណេញអ្វីខ្លះពីការទទួលធ្វើម្ចាស់ផ្ទះរៀបចំមហាសន្និបាតក្រុមប្រឹក្សាអូឡាំពិកអាស៊ី
ចន្លោះមិនឃើញ
កម្ពុជា ទទួលបានសិទ្ធិធ្វើជាម្ចាស់ផ្ទះរៀបចំមហាសន្និបាតក្រុមប្រឹក្សាអូឡាំពិកអាស៊ី លើកទី៤១ នៅភ្នំពេញដែលនឹងចាប់ផ្ដើមពីថ្ងៃទី១-៥ ខែតុលា ឆ្នាំ២០២២។
ឯកឧត្ដម វ៉ាត់ ចំរើន បានឲ្យដឹងថា កិច្ចប្រជុំគណៈអចិន្ត្រៃយ៍ម្សិលមិញនេះគឺជជែកអំពីការទទួលធ្វើម្ចាស់ផ្ទះមហាសន្និបាតក្រុមប្រឹក្សាអូឡាំពិកអាស៊ី និងការចាត់ចែងការងារទទួលខុសត្រូវនៅពេលពិធីមកដល់។
អ្នកជំនាញផ្នែកកីឡាខាងលើនេះបន្ថែមទៀតថា កម្ពុជាចំណេញច្រើនក្នុងការទទួលរៀបចំកិច្ចប្រជុំមួយនេះ ទី១ បណ្ដាញសារព័ត៌មានអន្តរជាតិជាច្រើនមកប្រមូលផ្ដុំនៅកម្ពុជាហើយវាងាយស្រួលដល់ការទំនាក់ទំនងជាមួយផ្នែកកីឡា ឬសហព័ន្ធអន្តរជាតិនានាក្នុងការពង្រឹងសហព័ន្ធកីឡាជាតិដូចជាការអភិវឌ្ឍន៍ផ្សេងៗ។
ទី២ នយោបាយការទូតកីឡារបស់កម្ពុជាកាន់តែមានភាពរឹងមាំ ហើយធ្វើឲ្យចលនាកីឡាលើពិភពលោកកាន់តែមើលឃើញពីសក្ដានុពលរបស់កម្ពុជា។ នេះជាឱកាសដ៏កម្រសម្រាប់កម្ពុជាដែលពិបាកនិងកាត់ថ្លៃបានចំពោះការទទួលធ្វើជាម្ចាស់ផ្ទះមហាសន្និបាតអូឡាំពិកអាស៊ី លើកទី៤១ នេះ។
រំលឹកដែរថា មហាសន្និបាតក្រុមប្រឹក្សាអូឡាំពិកអាស៊ី លើកទី៤១ នេះគឺដំបូងគ្រោងធ្វើនៅប្រទេសចិននោះទេ ប៉ុន្តែដោយសារបញ្ហាកូវីដ ទើបត្រូវបានផ្លាស់ប្ដូរខណៈកម្ពុជាជាប្រទេសសមស្របទាំងសុវត្ថិភាពនយោបាយ សុវត្ថិភាពកូវីដ និងការអភិវឌ្ឍន៍ខ្លាំងលើវិស័យកីឡា។ ព្រឹត្តិការណ៍នេះនឹងធ្វើឡើងអំឡុងថ្ងៃទី១ ដល់ ទី៥ ខែតុលា ឆ្នាំ២០២២ នៅភ្នំពេញ៕