- 2022-08-16 07:13:03
- កីឡាផ្សេងៗ
CAMSOC៖ កិច្ចប្រជុំគណៈអចិន្ត្រៃយ៍ព្រឹកមិញផ្ដោតលើគណៈកម្មការវប្បធម៌ បរិស្ថាន និងអប់រំកាយ
- 2022-08-16 07:13:03
- ចំនួនមតិ 0 | ចំនួនចែករំលែក 0
CAMSOC៖ កិច្ចប្រជុំគណៈអចិន្ត្រៃយ៍ព្រឹកមិញផ្ដោតលើគណៈកម្មការវប្បធម៌ បរិស្ថាន និងអប់រំកាយ
ចន្លោះមិនឃើញ
កិច្ចប្រជុំគណៈអចិន្ត្រៃយ៍របស់ CAMSOC ដែលដឹកនាំដោយឯកឧត្ដម ថោង ខុន ព្រឹកមិញនេះពិនិត្យរបាយការណ៍វឌ្ឍនភាពរបស់គណៈកម្មការវប្បធម៌ បរិស្ថាន និងអប់រំកាយកីឡាដើម្បីត្រៀមខ្លួនឲ្យបានល្អឆ្ពោះទៅព្រឹត្តិការណ៍ស៊ីហ្គេម នៅកម្ពុជា។
ប្រធានគណៈកម្មការវប្បធម៌ ឯកឧត្តម តុប សុភ័ក បានឲ្យដឹងថាក្រោយកិច្ចប្រជុំថា អង្គប្រជុំបានផ្ដោតលើប្រសិទ្ធភាពក្នុងការផ្សព្វផ្សាយឲ្យមហាជនបានយល់ជ្រាប់អំពីព្រឹត្តិការណ៍ស៊ីហ្គេម ប្រវត្តិសាស្ត្ររបស់កម្ពុជា ប្រជាជនត្រូវរៀបចំខ្លួន ផ្ទះសម្បែង បរិស្ថានល្អក្នុងការស្វាគមន៍ភ្ញៀវជាដើម។
ចំណុចសំខាន់ៗជាច្រើនទៀតនោះរួមមានធ្វើយ៉ាងណាដើម្បីកាត់បន្ថយគ្រោះថ្នាក់ចរាចរណ៍ កាត់បន្ថយបញ្ហាគ្រឿងញៀនដែលទាំងនេះត្រូវចាំបាច់ក្នុងការអប់រំណែនាំដល់ប្រជាពលរដ្ឋកម្ពុជា។ ក្រៅពីនេះឯកឧត្ដម ថោង ខុន ក៏បានជំរុញដល់ការការផ្សព្វផ្សាយបទចម្រៀងស៊ីហ្គេមផងដែរ ព្រោះជាចំណុចល្អប្រសើរមួយក្នុងការបញ្ជ្រាបដល់មហាជនទូទៅឲ្យបានដឹងកាន់តែច្បាស់អំពីព្រឹត្តិការណ៍ស៊ីហ្គេមនាពេលខាងមុខនេះ។
រំលឹកដែរថា កិច្ចប្រជុំគណៈកម្មការអចិន្ត្រៃយ៍នៃគណៈកម្មការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ (CAMSOC) ដែលធ្វើជាប្រចាំរៀងរាល់ថ្ងៃអង្គារនេះដឹកនាំដោយឯកឧត្ដម ថោង ខុន អនុប្រធានអចិន្ត្រៃយ៍។ កិច្ចប្រជុំនេះធ្វើឡើងនៅក្នុងទីស្នាក់ការ NOCC។ កម្ពុជាកំពុងមមាញឹកខ្លាំងក្នុងការត្រៀមខ្លួនឲ្យបានល្អដើម្បីធ្វើជាម្ចាស់ផ្ទះស៊ីហ្គេម លើកទី៣២ ដែលជាព្រឹត្តិការណ៍ប្រវត្តិសាស្ត្ររយៈជាង៦០មកនេះ៕