- 2022-08-01 02:24:17
- បាល់ទាត់
Ronaldo ដើរចេញពីកីឡដ្ឋានទាំងការប្រកួតរបស់ United មិនទាន់ចប់៩០នាទី
- 2022-08-01 02:24:17
- ចំនួនមតិ 0 | ចំនួនចែករំលែក 0
Ronaldo ដើរចេញពីកីឡដ្ឋានទាំងការប្រកួតរបស់ United មិនទាន់ចប់៩០នាទី
ចន្លោះមិនឃើញ
ខ្សែបម្រើប្រយុទ្ធ Cristiano Ronaldo បានដើរចេញពីកីឡដ្ឋាន Old Trafford មុនម៉ោង ក្នុងការប្រកួតមិត្តភាពរវាង Manchester United ជាមួយ Rayo Vallecano កាលពីយប់មិញ។
Ronaldo បានលេងនៅ៤៥នាទីដំបូងសម្រាប់ការប្រកួតមិត្តភាពទល់នឹងVallecano ប៉ុន្តែគេជាកីឡាករតែម្នាក់គត់ដែលត្រូវលោក Erik ten Hag ប្ដូរចេញក្រោយចប់វគ្គទីមួយ។ យ៉ាងណាមិញ ការប្រកួតនោះមិនទាន់នឹងចប់៩០នាទីផង គេបានប្រទះឃើញកីឡាករសញ្ជាតិព័រទុយហ្គាល់បានចាកចេញពីកីឡដ្ឋាន។
តាមដំណឹងកន្លង Ronaldo នៅតែតាំងចិត្តផ្លាស់ចេញពី United ដោយសារតែក្រុមមិនមានកៅអីលេងនៅពានរង្វាន់ Champions League សម្រាប់រដូវកាលថ្មី។ សេចក្ដីរាយការណ៍បញ្ជាក់ថា បិសាចក្រហមបានបដិសេធឆ្លើយ ពេលដែលសួរតើ Ronaldo មានការអនុញ្ញាតចេញកីឡដ្ឋានមុនការប្រកួតឬអត់។
ជំនួបទល់នឹង Vallecano គឺជាការលេងមិត្តភាពលើកដំបូងសម្រាប់ Ronaldo ឲ្យ Man Utd បន្ទាប់ពីខកខានជាច្រើនប្រកួត។ កីឡាករវ័យ៣៧ឆ្នាំបានសុំក្លឹបសម្រាកនៅឯស្រុកកំណើតនិងមិនលេងប្រកួតណាទាំងអស់ ក្រោមហេតុផលគ្រួសារ៕