- 2022-06-17 03:07:29
- បាល់ទាត់
ដើរតាមក្ដីស្រមៃ Tchouameni ចោលលុយធំនៅ PSG មកយកលុយតូចនៅ Real
- 2022-06-17 03:07:29
- ចំនួនមតិ 0 | ចំនួនចែករំលែក 0
ដើរតាមក្ដីស្រមៃ Tchouameni ចោលលុយធំនៅ PSG មកយកលុយតូចនៅ Real
ចន្លោះមិនឃើញ
ខ្សែបម្រើ Aurenlien Tchouameni បានបដិសេធសំណើថ្លៃពលកម្ម១២លានអឺរ៉ូក្នុងមួយឆ្នាំពីក្លឹប Paris Saint-Germain ដើម្បីទៅចូលរួមជាមួយ Real Madrid។
ប្រាក់ពលកម្មរបស់ Tchouameni ជាមួយក្លឹបថ្មី Real Madrid មិនត្រូវបានប្រកាសឡើយ ប៉ុន្តែបើតាម Marca ឲ្យដឹងថា គេទទួលបាន៦លានអឺរ៉ូក្នុងមួយឆ្នាំ។ មានន័យថា ចំនួននេះខុសគ្នាដល់ទៅ២ដងបើប្រៀបធៀបនឹងសំណើរបស់ PSG ធ្លាប់ផ្ដល់ឲ្យ។
ការបោះបង់ PSG ស្រវាយក Madrid ដោយសារតែកីឡាករវ័យ២២ឆ្នាំចង់ដើរតាមក្ដីស្រមៃរបស់ខ្លួន។ នៅក្នុងសន្និសីទកាសែត Tchouameni បាននិយាយថា បន្ទាប់ពីបានទស្សនាការលេងវាយបកយកឈ្នះរបស់ Real ក្នុងពានរង្វាន់ Champions League វគ្គចាញ់ធ្លាក់ វាបានជំរុញទឹកចិត្តរបស់គេឲ្យជ្រើសរើស Madrid។
ជាការពិតប្រសិនបើ Tchouameni ទៅលេងនៅ PSG អាចនឹងមិនលំបាកក្នុងការប្រជែងកៅអីលេង។ ប៉ុន្តែសម្រាប់ការមកចូលរួមជាមួយ Madrid គេត្រូវប្រជែងកន្លែងជាមួយកីឡាករចាស់សម្បូរបទពិសោធន៍ដូចជាToni Kroos, Luka Modric និង Casemiro៕