- 2022-06-07 07:49:04
- បាល់ទះ
វ៉ៃលើៗបាំងពេលនេះ វឿន វាសនា ត្រូវក្លឹបនៅវៀតណាមនាំទៅលេងក្នុងតម្លៃខ្លួនខ្ទង់ម៉ឺនដុល្លារ
- 2022-06-07 07:49:04
- ចំនួនមតិ 0 | ចំនួនចែករំលែក 0
វ៉ៃលើៗបាំងពេលនេះ វឿន វាសនា ត្រូវក្លឹបនៅវៀតណាមនាំទៅលេងក្នុងតម្លៃខ្លួនខ្ទង់ម៉ឺនដុល្លារ
ចន្លោះមិនឃើញ
ក្រោយពីបង្ហាញសមត្ថភាពល្អមិនធម្មតា ស្មាត់ធំរបស់ក្លឹបបាល់ទះវិសាខានិងជម្រើសជាតិកម្ពុជា វឿន វាសនា នឹងត្រូវក្លឹបអាជីពមួយនៅវៀតណាមនាំទៅលេងក្នុងរយៈពេល២សប្ដាហ៍ ដោយមានតម្លៃខ្លួនប្រមាណខ្ទង់ម៉ឺនដុល្លារ។ នេះបើតាមការឱ្យដឹងពីលោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជានៅថ្ងៃនេះ។
អគ្គលេខាធិការសហព័ន្ធកីឡាបាល់ទះកម្ពុជា បានបន្ថែមទៀតថា ការនឹងបានទៅលេងនៅក្លឹបអាជីពក្នុងប្រទេសវៀតណាមរបស់កីឡាករ វឿន វាសនា ក៏ត្រូវបានទទួលស្គាល់ដោយសហព័ន្ធកីឡាបាល់ទះពិភពលោក FIVB។
វឿន វាសនា ជាកីឡាករបាល់ទះទី៣របស់កម្ពុជា ដែលត្រូវបានទទួលស្គាល់ដោយសហព័ន្ធកីឡាបាល់ទះពិភពលោក FIVB ក្នុងនាមជាកីឡាករបានចេញទៅប្រកបអាជីពនៅក្លឹបក្រៅប្រទេស បន្ទាប់ពីអតីតកីឡាករបាល់ទះដ៏ល្បីល្បាញ សោម ចំណាប់ និងស្មាត់ធំរបស់វិសាខា គួន ម៉ុម។
គួរបញ្ជាក់ដែរថា ការចេញទៅលេងនៅក្លឹបវៀតណាមរបស់ស្មាត់មកពីខេត្តបាត់ដំបង វឿន វាសនា នឹងធ្វើឡើងក្រោយបញ្ចប់ការប្រកួតដណ្ដើមពានរង្វាន់បាល់ទះសម្ដេចអគ្គមហាសេនាបតីតេជោ ហ៊ុន សែន៕