- 2022-06-03 03:23:00
- បាល់ទាត់
Mbappe ចេញបកស្រាយរឿងចង់ឲ្យមនុស្ស១៤នាក់នៅ PSG ចេញក្នុងនោះមាន Neymar ដែរ
- 2022-06-03 03:23:00
- ចំនួនមតិ 0 | ចំនួនចែករំលែក 0
Mbappe ចេញបកស្រាយរឿងចង់ឲ្យមនុស្ស១៤នាក់នៅ PSG ចេញក្នុងនោះមាន Neymar ដែរ
ចន្លោះមិនឃើញ
Kylian Mbappe ខ្សែប្រយុទ្ធរបស់ PSG ត្រូវបានសារព័ត៌មានចុះផ្សាយថា រូបគេចង់ឲ្យមនុស្ស១៤នាក់ចាកចេញពីក្លឹបក្នុងរដូវក្ដៅនេះ ក្នុងនោះមានអ្នកចាត់ការ Mauricio Pochettino និង Neymar ផងដែរ។
កីឡាករវ័យ២៣ឆ្នាំថ្មីៗនេះបានសម្រេចអនាគតមិនទៅចូលរួមជាមួយ Real Madrid ដោយបន្តរួមរស់ជាមួយ PSG យល់ព្រមចុះកុងត្រាថ្មីរយៈពេល៣ឆ្នាំជាមួយថ្លៃនឿយហត់៦៥ម៉ឺនផោនក្នុងមួយសប្ដាហ៍។ ជាមួយថ្លៃពលកម្មដ៏ខ្ពស់ គេជឿជាក់ថា PSG បានផ្ដល់អំណាចផ្សេងទៀតដល់ Mbappe ដូចជាការជ្រើសរើសកីឡាករដែលគេចង់លេងជាមួយជាដើម។
ផ្អែកតាមសារព័ត៌មានអេស្ប៉ាញ Mundo Deportivo បានចុះផ្សាយថា Mbappe ចង់ជំរុះកីឡាករនិងក្រុមការងារគ្រូបង្វឹកប្រមាណជា១៤នាក់ចេញពីក្លឹប PSG។ ដៃគូប្រយុទ្ធ Neymar និងលោក Pochettino ត្រូវបានគេបញ្ជាក់ថា បានស្ថិតក្នុងបញ្ជីនៃការជំរុះផងដែរ។ សម្រាប់កីឡាករដទៃទៀតមានដូចជា Mauro Icardi, Julian Draxler, Ander Herrera, Idrissa Gueye, Leandro Paredes , Thilo Kehrer, Danilo Pereira, Layvin Kurzawa, Pablo Sarabia, Juan Bernat, Colin Dagba និងSergio Rico។
ក្រោយផ្ទុះរឿងនេះកើតឡើង Mbappe បានចេញបកស្រាយលើបណ្ដាញសង្គម Twitter របស់ខ្លួនថា ព័ត៌មានទាំងនេះសុទ្ធតែក្លែងក្លាយទេ។ មួយរយៈចុងក្រោយនេះ Mbappe ទទួលបានការមិនសប្បាយចិត្តពីអ្នកគាំទ្ររបស់ Madrid ជាច្រើន បន្ទាប់ពីគេបានបន្តកុងត្រាថ្មីជាមួយ PSG៕