- 2022-05-25 02:43:57
- បាល់ទាត់
Ancelotti ថា ចង់ឲ្យ Liverpool ស្គាល់ជាតិលេង Comeback ម្ដង ពេលប៉ះ Real
- 2022-05-25 02:43:57
- ចំនួនមតិ 0 | ចំនួនចែករំលែក 0
Ancelotti ថា ចង់ឲ្យ Liverpool ស្គាល់ជាតិលេង Comeback ម្ដង ពេលប៉ះ Real
ចន្លោះមិនឃើញ
អ្នកចាត់ការ Carlo Ancelotti បាននិយាយថា លោកមិនចង់លេងដេញតាមពីក្រោយ (Comback) នៅចុងសប្ដាហ៍នេះទល់នឹង Liverpool ឡើយ បន្ទាប់ពីក្រុមរបស់លោកជូរចត់នឹងរឿងនេះ៣ដងទៅហើយ។
Real Madrid នឹងលេងជាមួយ Liverpool ក្នុងវគ្គផ្ដាច់ព្រ័ត្រ Champions League នៅថ្ងៃសៅរ៍វេលាម៉ោង២រំលងអាធ្រាត្រឈានចូលថ្ងៃអាទិត្យសប្ដាហ៍នេះ។ ការប្រកួតរវាងក្រុមទាំងពីរនឹងរៀបចំក្នុងកីឡដ្ឋាន Stade de France ក្នុងទីក្រុងប៉ារីស ប្រទេសបារាំង។
Madrid ទម្រាំតែបានឡើងមកកាន់វគ្គផ្ដាច់ព្រ័ត្រក្នុងរដូវកាលនេះ ពួកគេជួបរឿងការលេងដេញតាមគ្រាប់បាល់គូប្រជែងជាច្រើនលើកច្រើនសារ។ ក្នុងនោះនៅជុំវគ្គ១៦ក្រុមពួកគេបានលេង Comebackយកឈ្នះ PSG សរុបទាំងពីរជើង ៣-២ ហើយក្នុងវគ្គ៨ក្រុមឈ្នះ Chelsea ៥-៤ និងវគ្គ៤ក្រុមឈ្នះ Man City ៦-៥។
ដោយសារតែជួបរឿងរន្ធត់បែបនេះច្រើនលើកពេក ធ្វើឲ្យលោក Ancelotti សន្យាលែងចង់ជួបទៀតហើយ។ និយាយក្នុងទីលានហ្វឹកហាត់អ្នកចាត់ការសញ្ជាតិអ៊ីតាលីបានលើកឡើងថា៖ “ទេ ពួកយើងមិនចង់បានការលេង Comback ណាទៀតទេ។ ពួកយើងសង្ឃឹមថា វានឹងធ្លាក់លើ Liverpool ម្ដងដែលត្រូវព្យាយាមលេងដេញតាមពីក្រោយ”។ Ancelotti បានបញ្ជាក់ទៀតថា ចំពោះជុំដែលធ្វើឲ្យលោកពិបាកចិត្តជាងគេគឺពេលប៉ះ Chelsea៕
