- 2022-05-24 02:02:41
- បាល់ទាត់
Mbappe ទម្លាយថា ក្រៅពី Real ក្នុងនោះ Liverpool ក៏បានមកចរចាជាមួយខ្លួនដែរ
- 2022-05-24 02:02:41
- ចំនួនមតិ 0 | ចំនួនចែករំលែក 0
Mbappe ទម្លាយថា ក្រៅពី Real ក្នុងនោះ Liverpool ក៏បានមកចរចាជាមួយខ្លួនដែរ
ចន្លោះមិនឃើញ
ខ្សែប្រយុទ្ធ Kylian Mbappe បានទម្លាយឲ្យដឹងថា គេបានពិភាក្សាអំពីលទ្ធភាពផ្លាស់ទៅកាន់ Liverpool ក្នុងឱកាសពីរផ្សេងគ្នាក្នុងអាជីពរបស់ខ្លួន។
ក្រៅពីការប្រកួតប្រជែងគ្នារវាង Paris Saint-Germain និង Real Madrid ក្នុងនោះ Mbappe បានបញ្ចេញថា Liverpool ក៏បានចូលខ្លួនចង់យកនាំយករូបគេទៅលេងនៅអង់គ្លេសដែរ។ និយាយប្រាប់សារព័ត៌មានកីឡាករសញ្ជាតិបារាំងបានឲ្យដឹងថា គេបាននិយាយតិចតួចជាមួយ Liverpool មិនច្រើនពេកនោះទេ។
កីឡាករវ័យ២៣ឆ្នាំក៏ធ្លាប់ត្រូវបានហង្សក្រហមចាប់អារម្មណ៍តាំងពីឆ្នាំ២០១៧ ដែលជាឆ្នាំគេបានខ្ចីជើងទៅកាន់ PSG ពីក្លឹប Monaco មួយឆ្នាំមុនពេលចុះកុងត្រាជាផ្លូវការក្នុងតម្លៃខ្លួន១៦៣លានផោន។ Mbappe ថា គេធ្លាប់បានពិភាក្សាជាមួយ Liverpool ម្ដងកាលពី៥ឆ្នាំមុន ដោយសារតែពួកគេជាក្លឹបដែលម្ដាយខ្លួនចូលចិត្ត។
ត្បិតតែមានការទាក់ទងខ្លាំងពីក្លឹបធំៗដូចជា Real Madrid ជាដើម ប៉ុន្តែ Mbappe ពេលនេះបានសម្រេចចិត្តបន្តនៅ PSG រហូតដល់ឆ្នាំ២០២៥។ គេនឹងទទួលបានថ្លៃនឿយហត់៣៤លានផោនក្នុងមួយរដូវកាល (៦៥ម៉ឺនផោនក្នុងមួយសប្ដាហ៍)៕
