- 2022-04-25 12:54:41
- បាល់ទាត់
Pochettinoថា ការស្រែកឌឺដង Boo របស់អ្នកគាំទ្រ PSG ទៅកាន់ Messi ជារឿងទទួលយកមិនបាននោះទេ
- 2022-04-25 12:54:41
- ចំនួនមតិ 0 | ចំនួនចែករំលែក 0
Pochettinoថា ការស្រែកឌឺដង Boo របស់អ្នកគាំទ្រ PSG ទៅកាន់ Messi ជារឿងទទួលយកមិនបាននោះទេ
ចន្លោះមិនឃើញ
ខ្សែប្រយុទ្ធ Lionel Messi បានស៊ុតចូល១គ្រាប់ ក្នុងប្រកួតតទល់នឹងក្លឹប Lens ក្របខ័ណ្ឌ Ligue 1 កាលពីម្សិលមិញក្នុងលទ្ធផលស្មើ ១-១ ប៉ុន្តែទោះជាការប្រកួតទទួលលទ្ធផលស្មើហើយ Messi ជាអ្នកស៊ុតចូលបែបនេះក៏ដោយ ក៏អ្នកគាំទ្រ PSG នៅតែបន្តស្រែកឌឺដង Boo ដាក់គេជាពិសេសគឺក្នុងកំឡុងពេលក្រោយចប់ម៉ោងការប្រកួត។
ដោយសារតែបែបនេះហើយ លោក Mauricio Pochettino គ្រូបង្គោលក្លឹប PSG បាននិយាយទៅកាន់សារព័ត៌មាន ESPN Argentina ថាសកម្មភាពរបស់អ្នកគាំទ្រធ្វើដាក់ Messi បែបនេះគឺពិបាកនឹងទទួលយកណាស់។
លោក Pochettino បាននិយាយថា៖" ការស្រែកហួចឌឺដង Boo ដាក់ Messi? វាជារឿងមិនគួរឲ្យជឿតែម្ដង។ រឿងទាំងនេះគឺពិបាកនឹងទទួលយកខ្លាំងណាស់។ និយាយទៅរឿងនេះខ្ញុំមិនយល់តែម្ដង ម៉េចបានជាមានសកម្មភាពអញ្ចឹងកើតឡើងព្រោះ Messi ជាកីឡាករជួយច្រើនដល់វិស័យបាល់ទាត់ណាស់ ហើយគេក៏នៅតែបន្តជួយអញ្ចឹង "។
សូមរំលឹកផងដែរថា នេះមិនមែនជាលើកទីមួយទេ ហើយក៏មិនមែនតែ Messi ម្នាក់នោះទេដែលត្រូវបានអ្នកគាំទ្រ PSG ស្រែក Boo ដាក់សូម្បីតែ លោក Pochettino និង Neymar ជាដើមសុទ្ធតែធ្លាប់រងសកម្មភាពបែបចំអកមើលងាយបែបនេះកន្លងមក៕