តាមពិតទៅខាង Ajax នៅតែចង់បាន Ten Hag នៅបន្តដឹកនាំរយៈពេលវែងទៅមុខទៀត

2022-04-21 13:06:22
បាល់ទាត់

2022-04-21 13:06:22
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Erik Ten Hag ត្រូវបានតែងតាំងជាអ្នកចាត់ការ Man Utd ចាប់ពីរដូវកាលខាងមុខហើយ យ៉ាងណាលោក Edwin van der Sar នាយកប្រតិបត្តិក្លឹប Ajax បាននិយាយនៅក្នុងថ្ងៃនេះថា តាមទៅពិតខាងក្លឹបលោកចង់បាន លោក Erik Ten Hag នៅបន្តដឹកនាំរយៈពេលវែងទៅមុខទៀត។

លោក Van der Sar បាននិយាយថា៖" ៤ឆ្នាំ កន្លះកន្លងទៅនេះគឺជាពេលដ៏ល្អសម្រាប់ក្លឹបយើង។ យ៉ាងណាយើងនៅតែចង់បាន Ten Hag បន្តដឹកនាំក្លឹប Ajax យើងបន្តក្នុងរយៈពេលវែងខាងមុខទៀត។ ច្បាស់ណាស់បើគេនៅបន្តទៀត គេនឹងធ្វើឲ្យក្លឹបយើងឡើងទៅកម្រិតមួយដ៏អស្ចារ្យក្នុងចំណោមក្លឹបធំបំផុតលើលោក និងក្នុងលីគកំពូលយើងនេះ "។

លោកបានបន្តថា៖" តាមទៅយើងជំពាក់ Ten Hag ច្រើនណាស់ គេជួយដល់ក្លឹបយើងច្រើនរហូតមករហូតដល់ក្លឹបយើងស្ថិតក្នុងចំណុចសព្វថ្ងៃនេះ។ យ៉ាងណាយើងមិនចប់ត្រឹមហ្នឹងទេ ចុងរដូវកាលនេះខ្ញុំនឹងជូនដំណើរគេឲ្យធំតែម្ដង។ ម៉េចក៏ដោយនៅក្នុងខណៈនេះអ្វីដែលយើងចង់បានគឺយកពានលីគកំពូលមកក្លឹបយើង "។

Ajax កំពុងឈរនាំមុខក្នុងតារាងប្រកួតដណ្ដើមពាន Eredivise ដោយមាន៧២ពិន្ទុ រីឯក្លឹប PSV មាន៦៨ពិន្ទុ ខណៈនៅសល់ ៥ប្រកួតទៀតនៅក្នុងតារាងប្រកួតលីគកំពូលនេះក្នុងរដូវកាលនេះ៕

ប្រភព៖ Fotmob

អត្ថបទ៖ ហ៊ីម រស្មី