- 2022-04-19 02:46:03
- បាល់ទះ
ឆ្វេងជប៉ុនលោតល្អយ៉ាងនេះ វ៉ៃធ្ងន់ម្ល៉ឹងៗ តើយើងត្រូវហាត់របៀបណាដែរទើបអាចរីកចម្រើនដូចគេ?
- 2022-04-19 02:46:03
- ចំនួនមតិ 0 | ចំនួនចែករំលែក 0
ឆ្វេងជប៉ុនលោតល្អយ៉ាងនេះ វ៉ៃធ្ងន់ម្ល៉ឹងៗ តើយើងត្រូវហាត់របៀបណាដែរទើបអាចរីកចម្រើនដូចគេ?
ចន្លោះមិនឃើញ
អ្នកនិយមបាល់ទះប្រាកដជាស្គាល់ច្បាស់ «ឆ្វេងជប៉ុនៗ» ដែលមានឈ្មោះថា Yuji Nishida ជាកីឡាករដែលគេឃើញថា សមត្ថភាពនៃការលោតវ៉ៃផ្ដាច់បាល់៣ម៉ែត្រ-ឆ្វេង ល្អខ្លាំង ព្រមជាមួយគុណភាពអេឡង់លោតឃើញហើយមិនសរសើរមិនបាន។ បើឃើញល្អបែបនេះគ្រប់គ្នាអ្នកលេងបាល់ទះ ពិតជាចង់ដឹងណាស់មែនទេ! ថាតើត្រូវហាត់បែបណាខ្លះ ដើម្បីអាចមានអេឡង់ល្អ និងលោតបានស្រលះទះបានធ្ងន់ បើមិនបានប្រហែល សុំបានត្រឹម៥០%នៃកីឡាករខាងលើក៏បាន។
ទាក់ទងនឹងបច្ចេកទេសហ្វឹកហាត់ ដើម្បីអាចលោតបានស្រលះ និងអេឡង់ខ្ពស់បែបកីឡាករ Yuji Nishida មិនមែនគ្រប់គ្នាសុទ្ធតែអាចធ្វើបានឡើយ។ ពោលគឺវាទាក់ទង នឹងទេពកោសល្យពីកំណើត បូកបញ្ចូលការហ្វឹកហាត់ដ៏ច្បាស់លាស់មួយ។
ទាក់ទងបច្ចេកទេសហ្វឹកហាត់នេះលោក សាន សុក្រិត្យ អតីតគ្រូបង្វឹកបាល់ទះជម្រើសជាតិកម្ពុជាបានពន្យល់យ៉ាងដូច្នេះថា៖«…ទី១ទាក់ទងកាយសម្បទារបស់គាត់,ទី២ទាក់ទងទេពកោសល្យរបស់គាត់ ហើយគាត់ហាត់យកកម្លាំងកាយខ្លាំង។ គេហាត់បច្ចេកទេសកម្លាំងកាយសាច់ដុំខ្លាំង និយាយរួមគេមានការហ្វឹកហាត់គេច្បាស់លាស់ ទី១នៅខាងជប៉ុននោះគេមានការហ្វឹកហាត់គេសុទ្ធតែជាមួយម៉ាស៊ីន។ ចំណែកកដៃវិញ ខ្ញុំឃើញគេ (Yuji ) គេវ៉ៃរហ័សណាស់ អាហ្នឹងដោយសារគេហាត់រលាស់ដៃជាមួយខ្សែពួរដល់ចំណុចខ្ពស់ ហើយគាត់ប្រើដុំដែកចងចង្កេះលោត និយាយរួមការហ្វឹកហាត់គេមានបច្ចេកទេសខ្ពស់ និងមានឧបករណ៍ថ្មីៗច្រើននៅខាងជប៉ុននោះ។ នៅជប៉ុនរនាំងសុទ្ធតែប្រើម៉ាស៊ីននោះ ចឹងកីឡាករគេមានដៃរហ័សណាស់ពេលប្រកួត»។
Yuji Nishida ជាកីឡាករបាល់ទះអាជីព និងជម្រើសជាតិរបស់ជប៉ុន ដែលបច្ចុប្បន្នកំពុងប្រកបអាជីពនៅក្លឹបប្រទេសអ៊ីតាលី។ កីឡាកររូបនេះមានកម្ពស់ ១,៨៦ ម៉ែត្រ អាចលោតវ៉ៃបាន ៣,៥០ ម៉ែត្រ ហើយក៏អាចលោតធ្វើរនាំងបានកម្ពស់ ៣,៣៥ ម៉ែត្រ៕