- 2022-04-12 02:06:14
- បាល់ទាត់
Tuchel ថា Chelsea មើលទៅគ្មានឱកាសបានឡើងទេ ដោយសារជើងទីមួយចាញ់ធ្ងន់ពេក
- 2022-04-12 02:06:14
- ចំនួនមតិ 0 | ចំនួនចែករំលែក 0
Tuchel ថា Chelsea មើលទៅគ្មានឱកាសបានឡើងទេ ដោយសារជើងទីមួយចាញ់ធ្ងន់ពេក
ចន្លោះមិនឃើញ
អ្នកចាត់ការ Thomas Tuchel ហាក់គ្មានទំនុកចិត្តថាក្រុមរបស់ខ្លួន Chelsea អាចវាយបក Real Madrid ដើម្បីមានឱកាសឡើងទៅវគ្គ៤ក្រុមចុងក្រោយ Champions League ឡើយ។
Chelsea នឹងត្រលប់ទៅប្រកួតជើងទីពីរ UCL នៅទឹកដីរបស់ Real Madrid វិញក្នុងកីឡដ្ឋាន Bernabeu ក្នុងរាត្រីនេះ ដែលការប្រកួតនឹងលេងនៅម៉ោង២ទៀបភ្លឺ។ កាលពីជើងទីមួយក្នុងទីក្រុងឡុងដ៏ Madrid បានយកឈ្នះ Chelsea ដល់ទៅ ៣-១។ ៣គ្រាប់របស់ Real ធ្វើបានដោយខ្សែប្រយុទ្ធ Karim Benzema។
Real Madrid បច្ចុប្បន្នជាក្រុមមានទម្រង់លេងល្អ និងកំពុងឈរកំពូលតារាង La Liga។ ការរកបាន៣គ្រាប់សម្រាប់ Chelsea ដើម្បីវាយបកឈ្នះ Real លោក Tuchel គិតថា មិនមែនជារឿងងាយឡើយ។ មុនការប្រកួតយប់នេះអ្នកចាត់ការសញ្ជាតិអាល្លឺម៉ង់បាននិយាយថា Chelsea មិនមានឱកាសល្អច្រើនទេ ព្រោះតែលទ្ធផលកាលពីជើងទីមួយ។ វាពិតជាទំនងមិនអាចវាយបកបានទេ ប៉ុន្តែពួកយើងនឹងព្យាយាមដើម្បីអ្នកគាំទ្រ។
បញ្ជាក់ថា Chelesa គឺជាក្រុមការពារតំណែងជើងឯក ដោយរដូវកាលមុនពួកគេបានយកឈ្នះ Manchester City ក្នុងវគ្គផ្ដាច់ព្រ័ត្រលទ្ធផល ១-០។ ហើយពួកគេបានទម្លាក់ Real Madrid ក្នុងវគ្គ៤ក្រុមចុងក្រោយ មុនបានឡើងទៅវគ្គផ្ដាច់ព្រ័ត្រ៕