- 2022-04-10 04:18:07
- កីឡាផ្សេងៗ
ប្រទេសតំបន់អាស៊ានសប្បាយចិត្ត៖ កម្ពុជាធ្វើម្ចាស់ផ្ទះលើកទី១ ប៉ុន្តែរៀបចំបានល្អណាស់
- 2022-04-10 04:18:07
- ចំនួនមតិ 0 | ចំនួនចែករំលែក 0
ប្រទេសតំបន់អាស៊ានសប្បាយចិត្ត៖ កម្ពុជាធ្វើម្ចាស់ផ្ទះលើកទី១ ប៉ុន្តែរៀបចំបានល្អណាស់
ចន្លោះមិនឃើញ
អគ្គលេខាធិការ CAMSOC បណ្ដាប្រទេសអាស៊ានដែលមកចូលរួមក្នុងកិច្ចប្រជុំក្រុមប្រឹក្សាកីឡានៅខេត្តសៀមរាប ពេញចិត្តចំពោះកិច្ចការ ឬការរៀបចំខ្លួនរបស់ម្ចាស់ផ្ទះថាលើកទី១ ទេប៉ុន្តែធ្វើបានល្អណាស់។
ឯកឧត្ដម វ៉ាត់ ចំរើន បានឲ្យដឹងថា កិច្ចប្រជុំក្រុមប្រឹក្សាកីឡាលើកទី១ ក្នុងនាមកម្ពុជាជាម្ចាស់ផ្ទះនេះគឺបង្ហាញពីរបាយការណ៍នៃដំណើរការស៊ីហ្គេម ២០២៣ ដូចជាការតៀមខ្លួនឆ្ពោះទៅកាន់ពិធី ការដាក់បញ្ចូលប្រភេទកីឡាជាដើម។
អគ្គលេខាធិការ CAMSOC បញ្ជាក់ថាអ្វីដែលកម្ពុជាលើកឡើងទាំងប៉ុន្មានគឺមានការពេញចិត្ត និងគាំទ្រតែម្ដងពីបណ្ដាប្រទេសអាស៊ានចូលរួម ហើយថែមទាំងសរសើរថាធ្វើលើកទី១ ប៉ុន្តែបានល្អប្រសើរ ប្រភេទកីឡាក៏ដាក់បានច្រើន ប្រភេទកីឡាតាមប្រទេសនិមួយៗគឺក៏បញ្ចូលទាំងអស់។ កម្ពុជាហាក់រៀបរយហើយសម្រាប់ការត្រៀមធ្វើជាម្ចាស់ផ្ទះនៅស៊ីហ្គេម ២០២៣ ឆ្នាំក្រោយនេះ។ បណ្ដាប្រទេសក្នុងកិច្ចប្រជុំសប្បាយរីករាយ និងរង់ចាំការចូលរួមក្នុងព្រឹត្តិការណ៍ជាប្រវត្តិសាស្ត្រនៅកម្ពុជានាពេលក៏ខ្លីខាងមុខនេះ។
រំលឹកដែរថា កម្ពុជាកំពុងរៀបចំកិច្ចប្រជុំក្រុមប្រឹក្សាកីឡា ឬប្រជុំស៊ីហ្គេមក្នុងនាមជាម្ចាស់ផ្ទះ ២០២៣ រយៈពេល ៣ថ្ងៃគឺចាប់ពីថ្ងៃទី៨-៩-១០ ខែមេសា ឆ្នាំ២០២២ នៅខេត្តសៀមរាប។ កិច្ចប្រជុំនេះមានបណ្ដាប្រទេសទាំង១១ចូលរួមផ្ទាល់ និងប្រព័ន្ធ Online ខ្លះផងដែរ។ នៅឆ្នាំ ២០២៣ កម្ពុជានឹងធ្វើជាម្ចាស់ផ្ទះកីឡាស៊ីហ្គេម លើកទី៣២៕
វីដេអូ៖