- 2022-04-06 07:35:37
- បាល់ទាត់
តាំងពីទិញមកមិនបានជួយធំដុំ ពេលនេះ PSG ពិចារណាលក់ Neymar ចេញវិញហើយ
- 2022-04-06 07:35:37
- ចំនួនមតិ 0 | ចំនួនចែករំលែក 0
តាំងពីទិញមកមិនបានជួយធំដុំ ពេលនេះ PSG ពិចារណាលក់ Neymar ចេញវិញហើយ
ចន្លោះមិនឃើញ
Neymar កំពុងប្រឈមមុខនឹងអនាគតមិនច្បាស់លាស់នៅក្លឹប Paris Saint-Germain បន្ទាប់ពីមិនអាចជួយក្រុមឈ្នះពានសំខាន់អ្វីនៅឡើយ។
កីឡាករសញ្ជាតិប្រេស៊ីលគឺជាផ្នែកមួយនៃគម្រោងរបស់ PSG ចាប់តាំងផ្ទេរពីក្លឹប Barcelona កាលពីឆ្នាំ២០១៧។ ប៉ុន្តែតាមរយៈការធ្លាក់ចេញពី Champions League ក្រោមថ្វីជើងរបស់ Real Madrid ធ្វើឲ្យមានការនិយាយជាច្រើនអំពីបញ្ហាកីឡាករក្នុងក្លឹប PSG។
សារព័ត៌មានរបស់បារាំងក៏បានងាកទៅចាប់អារម្មណ៍ទៅលើ Neymar ខណៈដែលក្លឹបហាក់បាត់បង់ទំនុកចិត្ត។ យោងតាមកាសែត Diario AS ឲ្យដឹងថា ប្រធានក្លឹបរបស់ PSG កំពុងពិចារណាលក់ Neymar ដែលជាផ្នែកដើម្បីរុះរើកីឡាករក្នុងរដូវក្ដៅនេះ។ ទន្ទឹមនឹងនេះ ក្លឹបចង់រក្សា Kylian Mbappe ឲ្យបន្តជួយក្រុម និងចង់នាំ Erling Haaland ដើម្បីបំពេញតំបន់ប្រយុទ្ធ។
Mbappe នឹងអស់កុងត្រាជាមួយ PSG ពេលបញ្ចប់រដូវកាលនេះ ហើយ Real Madrid ជាក្លឹបនាំមុខដែលចង់បានកីឡាករសញ្ជាតិបារាំងខ្លាំង។ Madrid គឺជាក្លឹបក្នុងក្ដីស្រមៃរបស់កីឡាករវ័យ២៣ឆ្នាំតាំងពីតូច។ យ៉ាងណាមិញ Mbappe ពេលនេះកំពុងស្ទាក់ស្ទើរថាគួរចេញពី PSG ឬទៅចូលរួមជាមួយ Real៕
