- 2022-04-04 02:39:45
- បាល់ទាត់
ទៀតហើយ! Pochettino ជាជនរងគ្រោះបន្ទាប់ពី Messi ដែលត្រូវអ្នកគាំទ្រ PSG ស្រែ Boo ឲ្យ
- 2022-04-04 02:39:45
- ចំនួនមតិ 0 | ចំនួនចែករំលែក 0
ទៀតហើយ! Pochettino ជាជនរងគ្រោះបន្ទាប់ពី Messi ដែលត្រូវអ្នកគាំទ្រ PSG ស្រែ Boo ឲ្យ
ចន្លោះមិនឃើញ
អ្នកគាំទ្ររបស់ក្លឹប Paris Saint-Germain បាននាំគ្នាស្រែ Boo ទៅកាន់អ្នកចាត់ការ Mauricio Pochettino មុនលោកដឹកនាំក្រុមឈ្នះ ៥-១ លើក្រុម Lorient កាលពីយប់មិញ។
៥គ្រាប់របស់ PSG ធ្វើបានដោយខ្សែប្រយុទ្ធជួរមុខទាំង៣របស់ពួកគេ ក្នុងនោះ Kylian Mbappe និង Neymar រកបានម្នាក់២គ្រាប់ និង Lionel Messi សម្រេចបានមួយគ្រាប់។ យ៉ាងណា មុនការប្រកួតនេះចាប់ផ្ដើម គេបានឮសំឡេងអ្នកគាំទ្ររបស់ក្លឹប PSG បានស្រែក Boo និងហួចទៅកាន់អ្នកចាត់ការខ្លួន Pochettino។
ក្រុមអ្នកគាំទ្ររបស់ PSG ចាប់ផ្ដើមខឹងអ្នកចាត់ការនិងកីឡាកររបស់ខ្លួន ចាប់តាំងពីក្រុមរបស់ពួកគេធ្លាក់ចេញពីពានរង្វាន់ Champions League ក្រោមថ្វីជើងរបស់ Real Madrid កាលពីខែមុន។ Messi និង Neymar សុទ្ធសឹងតែជាកីឡាករដែលអ្នកគាំទ្រ PSG ស្រែកចំអកឲ្យ ក្រោយពួកគេមិនអាចជួយក្រុមឲ្យល្អប្រសិន ត្បិតខ្លួនជាកីឡាករលំដាប់ពិភពលោក។
Pochettino ពេលនេះបានក្លាយជនរងគ្រោះបន្ទាប់ ខណៈលោកកំពុងត្រូវបានទាក់ទងទៅដឹកនាំ Manchester United ជំនួសកន្លែងគ្រូបណ្ដោះអាសន្ន Ralf Rangnick ពេលបញ្ចប់រដូវកាលនេះ។ ក្រៅពី Pochettino គ្រូរបស់ Ajax លោក Erik Ten Hag ក៏ស្ថិតក្នុងជម្រើសចង់បានពីក្លឹបបិសាចក្រហមផងដែរ។
អ្នកចាត់ការសញ្ជាតិអាហ្សង់ទីន Pochettino មានបទពិសោធន៍ច្រើនក្នុងអាជីពដឹកនាំ។ លោកធ្លាប់ដឹកនាំក្រុម Espanyol ពីឆ្នាំ២០០៩ដល់១០១២ មុនពេលផ្លាស់ទៅ Southampton នៅឆ្នាំ២០១៣។ លោកធ្លាប់មានបទពិសោធន៍ធ្វើការនៅអង់គ្លេសកាន់ក្លឹប Spurs ដល់ទី៥ឆ្នាំ មុនទៅចូលរួមជាមួយ PSG៕