- 2022-03-28 13:41:09
- ព័ត៌មាន
Jake Paul នឹងឲ្យ Will Smith និង Chris Rock ម្នាក់ ១៥លានដុល្លារ ឲ្យតែមកវាយបុកលើសង្វៀន
- 2022-03-28 13:41:09
- ចំនួនមតិ 0 | ចំនួនចែករំលែក 0
Jake Paul នឹងឲ្យ Will Smith និង Chris Rock ម្នាក់ ១៥លានដុល្លារ ឲ្យតែមកវាយបុកលើសង្វៀន
ចន្លោះមិនឃើញ
Jake Paul កំពូល Youtuber ប្រចាំសហរដ្ឋអាមេរិក ដែលទើបផ្លាស់អាជីពមកជាកីឡាករវាយបុកបានបង្ហោះនៅលើបណ្ដាញសង្គម Twiiter របស់ខ្លួននៅក្នុងថ្ងៃនេះថា គេនឹងឲ្យ កំពូលតារាសម្ដែង Will Smith និង តារាកំប្លែង Chris Rock ក្នុងម្នាក់ ១៥លានដុល្លារ ឲ្យតែមកវាយបុកលើសង្វៀន នៅកម្មវិធីដែលគេរៀបចំនៅខែសីហា ឆ្នាំ២០២២ខាងមុខ។
គម្រោងរៀបចំកម្មវិធីវាយបុករវាងតារាសម្ដែងទាំងពីរខាងលើធ្វើឡើង ដោយសារតែក្នុងកម្មវិធីប្រគល់ពានរង្វាន់ Oscars ឆ្នាំ២០២២ ក្នុងថ្ងៃនេះ Will Smith បានឡើងលើឆាកទះកំផ្លៀង Chris Rock ខណៈកម្មវិធីនេះកំពុងតែផ្សាយផ្ទាល់តែផ្ទាល់។
រឿងរ៉ាវដែលឈានទៅដល់ការទះកំផ្លៀងលើឆាកនេះគឺដោយសារតែ Chris Rock បាននិយាយលេងសើចទៅលើភរិយា Will Smith គឺតារាសម្ដែង Jada Pinkett Smith លើបញ្ហាអត់សក់ ទាំងដឹងថាតារាសម្ដែងរូបនេះមានបញ្ហានេះគឺដោយសារតែជំងឺជ្រុះសក់។
ដូច្នេះ Jake Paul ក៏បានចាប់យកឱកាសទាក់ទាញចំណាប់អារម្មណ៍ និងធ្វើជំនួញផ្ទាល់ខ្លួនដោយមានគម្រោងរៀបចំកម្មវិធីខាងលើ និងផ្ដល់ប្រាក់យ៉ាងច្រើនសន្ធឹកសន្ធាប់បែបនេះឲ្យតែពួកគេទាំងពីរហ៊ានមកវាយបុកលើសង្វៀនដែលគេរៀបចំនេះ៕