Jermain Defoe អតីតខ្សែប្រយុទ្ធរបស់ Spurs និងក្រុមជម្រើសជាតិអង់គ្លេស ប្រកាសចូលនិវត្តន៍នៅវ័យ៣៩ឆ្នាំ

2022-03-24 11:41:23
បាល់ទាត់

2022-03-24 11:41:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Jermain Defoe អតីតកីឡាកររបស់ក្លឹប Tottenham Hotspure និងក្រុមជម្រើសជាតិអង់គ្លេស បានប្រកាសខ្លួនចូលនិវត្តន៍ពីវិស័យបាល់ទាត់ នៅក្លឹប Sunderland ក្នុងវ័យ៣៩ឆ្នាំ នៅថ្ងៃនេះ។ នេះបើយោងតាមការប្រកាសរបស់កីឡាករនេះផ្ទាល់លើបណ្ដាញសង្គម Twitter ។

Defoe បានសម្រេចចិត្តចូលនិវត្តន៍នេះ ក្រោយប្រឡូកក្នុងវិស័យបាល់ទាត់ជាកីឡាករអាជីពចាប់ពីឆ្នាំ១៩៩៩មក ក្នុងកំឡុងពេលគេកំពុងមានវ័យ ១៧ឆ្នាំមកម្ល៉េះ។

ឆ្លងកាត់ដំណើរក្នុងអាជីពជាកីឡាករបាល់ទាត់អាជីព២៣ឆ្នាំនេះ ខ្សែប្រយុទ្ធរូបនេះធ្លាប់លេងឲ្យក្លឹបដូចជា West Ham, Bournemouth, Tottenham Hotspur, Portsmouth, Toronto, Rangers និង Sunderland ក៏ដូចជាលេងក្រុមជម្រើសជាតិអង់គ្លេសផងដែរ ដោយធ្លាប់ចូលលេងការប្រកួតសរុប ៨២០ប្រកួត និងរកគ្រាប់បាល់បាន ៣២៥គ្រាប់។

ជាចុងក្រោយ Dofoe បានអរគុណទៅដល់ក្រុមគ្រួសារ អ្នកគាំទ្រ មិត្តរួមក្រុម គ្រូបង្វឹក ក៏ដូចជាថ្នាក់ដឹកនាំក្លឹបទាំងអស់ ដែលជួយគាំទ្រ និងជ្រោមជ្រែងគេក្នុងអាជីពមួយនេះ៕