- 2022-03-16 12:25:41
- បាល់ទាត់
Ten Hag បដិសេធរឿងរៀនភាសាអង់គ្លេស ដើម្បីមកដឹកនាំក្លឹប Man Utd
- 2022-03-16 12:25:41
- ចំនួនមតិ 0 | ចំនួនចែករំលែក 0
Ten Hag បដិសេធរឿងរៀនភាសាអង់គ្លេស ដើម្បីមកដឹកនាំក្លឹប Man Utd
ចន្លោះមិនឃើញ
លោក Erik ten Hag គ្រូបង្គោលក្លឹប Ajax ត្រូវបានសារព័ត៌មានជាច្រើនចុះផ្សាយកន្លងមកថា លោកកំពុងខិតខំរៀនភាសាអង់គ្លេសដើម្បីត្រៀមទៅដឹកនាំក្លឹប Manchester United នៅរដូវកាលក្ដៅខាងមុខ ព្រោះថាលោកមានឱកាសច្រើនទៅដឹកនាំនៅទីនោះ ដោយសារតែលោកជាបេក្ខជនឈានមុខក្លឹបចង់បាន។
យ៉ាងណា លោក Ten Hag បានឆ្លើយតបបញ្ហាទាំងនេះទៅកាន់សារព័ត៌មាន BT Sports មុនប្រកួតចាញ់នឹង ក្លឹប Benfica ១-០ ក្របខ័ណ្ឌ UEFA Champions League ជើងទី២ កាលពីថ្ងៃអង្គារ ម្សិលមិញនេះថា៖" ព័ត៌មានទាំងនេះគឺមិនពិត យើងក៏ប្រើប្រាស់និយាយជាភាសាអង់គ្លេសនៅក្លឹបយើងនេះដែរ ព្រោះតែនៅហុល្លង់នេះគឺមានកីឡាករបរទេសច្រើន ហើយពួកគេសុទ្ធនិយាយភាសាអង់គ្លេស "។
ទាក់ទងនឹងព័ត៌មានដែលលោកត្រៀមខ្លួនផ្លាស់ទៅក្លឹបផ្សេង ដែលអាចជា Man Utd លោកក៏បានច្រានចោលផងដែរ ដោយថានៅខណៈនេះលោកខិតខំប្រឹងប្រែងដឹកនាំ Ajax អត់បានចាប់អារម្មណ៍គិតគូរនឹងរឿងហ្នឹងនោះទេ។
Ajax បានធ្លាក់ចេញពីប្រកួត UCL ត្រឹមវគ្គ១៦ក្រុមចុងក្រោយ បន្ទាប់ពីប្រកួតចាញ់ Benfica ២-៣ ក្នុងប្រកួតទាំងពីរជើងកន្លងទៅនេះ៕
Erik ten Hag responds to the rumours linking him to a job away from Ajax...