- 2022-03-16 04:47:59
- កីឡាផ្សេងៗ
CAMSOC ប្រជុំអចិន្ត្រៃយ៍ម្សិលមិញនេះផ្ដោតលើការផ្សព្វផ្សាយ និងផ្នែកទីលាន
- 2022-03-16 04:47:59
- ចំនួនមតិ 0 | ចំនួនចែករំលែក 0
CAMSOC ប្រជុំអចិន្ត្រៃយ៍ម្សិលមិញនេះផ្ដោតលើការផ្សព្វផ្សាយ និងផ្នែកទីលាន
ចន្លោះមិនឃើញ
គណៈកម្មការជាតិរៀបចំការប្រកួតកីឡាអាស៊ីអាគ្នេយ៍ (CAMSOC) ម្សិលមិញនេះបានប្រជុំគណៈអចិន្ត្រៃយ៍របស់ខ្លួនដោយផ្ដោតលើការផ្លាស់ប្ដូរសមាសភាពគណៈកម្មការផ្សព្វផ្សាយ និងការជួសជុលទីលាន។
ឯកឧត្ដម វ៉ាត់ ចំរើន បានឲ្យដឹងថា កិច្ចប្រជុំគណៈអចិន្ត្រៃយ៍នេះផ្ដោតលើ២ចំណុចធំៗ ទី១គឺការកែសម្រួលសមាសភាព និងក្រុមការងារមួយចំនួននៃគណៈកម្មការព័ត៌មានដើម្បីបន្តលើកិច្ចការផ្សព្វផ្សាយនេះ។ ទី២ គឺការពិនិត្យក៏ដូចជាពិភាក្សាលើទីលានប្រកួត និងការរៀបចំទីកន្លែងសម្រាប់កិច្ចប្រជុំស៊ីហ្គេម ក្នុងនាមកម្ពុជា ជាប្រធាននៅខែមេសាឯខេត្តសៀមរាប។
អ្នកជំនាញលើផ្នែកកីឡាខាងលើបន្ថែមទៀតថា បន្ទាប់ពីការកែសម្រួលលើគណៈកម្មការព័ត៌មាននេះហើយគឺនឹងមានការបំផ្ទុះការផ្សព្វផ្សាយឲ្យបានខ្លាំង និងបញ្ជ្រាបរាល់គ្រប់សកម្មភាពកីឡាទាំងអស់អំពីស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះ។
រំលឹកដែរថា កិច្ចប្រជុំគណៈអចិន្ត្រៃយ៍របស់ CAMSOC នេះធ្វើឡើងកាលពីរសៀលម្សិលមិញនេះនៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC)៕