- 2022-03-15 02:45:36
- កីឡាផ្សេងៗ
មូលហេតុនេះទើបកម្ពុជាយកសៀមរាប ប្រជុំស៊ីហ្គេមដែលមានអន្តរជាតិជាច្រើនចូលរួម
- 2022-03-15 02:45:36
- ចំនួនមតិ 0 | ចំនួនចែករំលែក 0
មូលហេតុនេះទើបកម្ពុជាយកសៀមរាប ប្រជុំស៊ីហ្គេមដែលមានអន្តរជាតិជាច្រើនចូលរួម
ចន្លោះមិនឃើញ
អគ្គលេខាធិការ CAMSOC ថាមូលហេតុដែលជ្រើសរើសយកខេត្តសៀមរាប ធ្វើជាកន្លែងប្រជុំអំពីរឿងស៊ីហ្គេម ឆ្នាំ២០២៣ នៅអំឡុងខែក្រោយនេះគឺព្រោះជាខេត្តទេសចរណ៍សុវត្ថិភាព។
ឯកឧត្ដម វ៉ាត់ ចំរើន បានឲ្យដឹងថា កិច្ចប្រជុំក្រុមប្រឹក្សាកីឡាអាស៊ីអាគ្នេយ៍ ឬប្រជុំស៊ីហ្គេមនេះ ក្នុងនាមកម្ពុជាជាប្រធានស៊ីហ្គេម គឺនឹងយកខេត្តសៀមរាប ជាកន្លែងប្រជុំទទួលដល់បណ្ដាប្រទេសនៅតំបន់អាស៊ានចូលរួម។ តាមដំណឹងត្រួសៗមកនេះគឺគណៈកម្មាធិការជាតិអូឡាំពិកនៅអាស៊ានគឺបង្ហាញការពេញចិត្ត និងរីករាយក្នុងការចូលរួមតែម្ដងជាពិសេសពេលដឹងថាធ្វើនៅ សៀមរាប។
ចំពោះការជ្រើសរើសយកខេត្តបុរាណខាងលើនេះជាកន្លែងប្រជុំ អ្នកជំនាញផ្នែកកីឡាខាងលើបញ្ជាក់ថា ព្រោះជាគោលដៅទេសចរណ៍សុវត្ថិភាពដែលក្រសួងទេសចរណ៍ មតិជាតិ អន្តរជាតិមើលឃើញថាជាខេត្តដែលអាចមកលេងផង ប្រជុំផង។ មួយវិញទៀតឯកឧត្ដម ថោង ខុន នឹងបង្ហាញថាស៊ីហ្គេម ២០២៣ កម្ពុជានឹងយកភ្លើងគប់ចេញពីប្រាសាទអង្គរនេះតែម្ដង ខណៈនេះក៏ជាការបង្ហាញមុខមាត់ថ្មីខេត្តសៀមរាបផងដែរ។
កិច្ចប្រជុំក្រុមប្រឹក្សាកីឡាអាស៊ីអាគ្នេយ៍លើកទី១ ដែលដឹកនាំកម្ពុជាក្នុងនាមជាប្រធានស៊ីហ្គេម ២០២៣ នេះនឹងធ្វើឡើងនៅខេត្តសៀមរាប ចាប់ពីថ្ងៃទី៨-១០ ខែមេសា ឆ្នាំ២០២២ ខាងមុខនេះ។ ប្រទេសនានាបង្ហាញភាពវិជ្ជមានជាច្រើនក្នុងការចូលរួមការប្រជុំនេះ៕
