- 2022-03-04 00:45:00
- កីឡាផ្សេងៗ
CAMSOC៖ កម្ពុជានឹងប្រជុំកម្រិតអាស៊ានលើកទី១ ក្នុងនាមជាប្រធានស៊ីហ្គេម ខែមេសា នៅសៀមរាប
- 2022-03-04 00:45:00
- ចំនួនមតិ 0 | ចំនួនចែករំលែក 0
CAMSOC៖ កម្ពុជានឹងប្រជុំកម្រិតអាស៊ានលើកទី១ ក្នុងនាមជាប្រធានស៊ីហ្គេម ខែមេសា នៅសៀមរាប
ចន្លោះមិនឃើញ
CAMSOC នឹងរៀបចំកិច្ចប្រជុំក្រុមប្រឹក្សាកីឡាអាស៊ីអាគ្នេយ៍ លើកទី១ នៅខេត្តសៀមរាប អំឡុងខែមេសា ដែលក្នុងនាមកម្ពុជាជាប្រធានស៊ីហ្គេម ២០២៣ និងលើកឡើងពីកិច្ចការធំៗជាច្រើនពាក់ព័ន្ធនឹងការទទួលធ្វើជាម្ចាស់។
ឯកឧត្ដម វ៉ាត់ ចំរើន អគ្គលេខាធិការ CAMSOC បានឲ្យដឹងថា កិច្ចប្រជុំគណៈអចិន្ត្រៃយ៍ម្សិលមិញនេះគឺនិយាយអំពីការត្រៀមខ្លួនធ្វើជាម្ចាស់ផ្ទះប្រជុំក្រុមប្រឹក្សាកីឡាអាស៊ីអាគ្នេយ៍ លើកទី១ នៅខែមេសា ឆ្នាំ២០២២ ឯខេត្តសៀមរាបខាងមុខ។
កិច្ចប្រជុំក្រុមប្រឹក្សាកីឡាអាស៊ីអាគ្នេយ៍ ឬប្រជុំស៊ីហ្គេមនេះ គឺកម្ពុជានឹងអញ្ជើញប្រទេសទាំងអស់ក្នុងអាស៊ានមកដោយផ្ទាល់។ ក្នុងកិច្ចប្រជុំនេះដែរគឺផ្ដោតលើកិច្ចការសំខាន់ៗដូចជា សុំការគាំទ្រការធ្វើជាម្ចាស់ផ្ទះស៊ីហ្គេម ២០២៣ របស់កម្ពុជាពីបណ្ដាប្រទេសនានា សុំការចែករំលែកបទពិសោធល្អៗប្រទេសដែលធ្វើស៊ីហ្គេមជាច្រើនដងមកហើយ។ ជជែកអំពីការគ្រោងដាក់ប្រភេទកីឡាផ្សេងនៅពេលប្រកួត និងលើកពីការធ្វើបទភ្លេងគោរពទង់ស៊ីហ្គេម និងដំណើរការផ្សេងៗនៃការសុំភ្លើងអាទិទេពពីអង្គរជាការបើកស៊ីហ្គេម ជាដើម។
កិច្ចប្រជុំក្រុមប្រឹក្សាកីឡាអាស៊ីអាគ្នេយ៍លើកទី១ ដែលដឹកនាំកម្ពុជាក្នុងនាមជាប្រធានស៊ីហ្គេម ២០២៣ នេះនឹងធ្វើឡើងនៅខេត្តសៀមរាប ចាប់ពីថ្ងៃទី៨-១០ ខែមេសា ឆ្នាំ២០២២ ខាងមុខនេះ។ ប្រទេសនានាបង្ហាញភាពវិជ្ជមានជាច្រើនក្នុងការចូលរួមការប្រជុំនេះ៕