- 2022-03-02 12:27:12
- បាល់ទាត់
PSG នឹងផ្ដល់ប្រាក់លើកទឹកចិត្ត ១១០លានដុល្លារ ឲ្យតែ Mbappe ព្រមបន្តកុងត្រាថ្មី
- 2022-03-02 12:27:12
- ចំនួនមតិ 0 | ចំនួនចែករំលែក 0
PSG នឹងផ្ដល់ប្រាក់លើកទឹកចិត្ត ១១០លានដុល្លារ ឲ្យតែ Mbappe ព្រមបន្តកុងត្រាថ្មី
ចន្លោះមិនឃើញ
ក្លឹប Paris Saint Germain ត្រូវបានសារព័ត៌មានប្រទេសបារាំង Le Parisien បានផ្សាយថា ក្លឹបនេះនឹងផ្ដល់ប្រាក់លើកទឹកចិត្ត ១១០លានដុល្លារ ទៅឲ្យខ្សែប្រយុទ្ធ Kylian Mbappe ឲ្យតែកីឡាករនេះព្រមបន្តកុងត្រាថ្មីរយៈពេល២ឆ្នាំ ដែលមានប្រាក់ពលកម្មរហូតទៅដល់ជាង ១លានដុល្លារក្នុងមួយសប្ដាហ៍បន្ទាប់ពីបង់ពន្ធរួច។
រហូតមកទល់នឹងពេលនេះ PSG តែងតែបញ្ជាក់ជំហរយ៉ាងច្បាស់លាស់បំផុតក្នុងការចង់បាន Mbappe បន្តកុងត្រាថ្មីជាមួយខ្លួន ក៏ប៉ុន្តែខ្សែប្រយុទ្ធរូបនេះហាក់ដូចជាមិនដែលបង្ហាញជំហរជាផ្លូវការថាយ៉ាងណាចំពោះរឿងបន្តកុងត្រាថ្មីនោះទេ។
បើតាមប្រភពជាច្រើនចុះផ្សាយកន្លងមក Mbappe តែងបដិសេធរហូតមក ប៉ុន្តែចំពោះសំណើថ្មីនេះ ដែលទទួលបានប្រាក់លើកទឹកចិត្តឲ្យចុះកុងត្រាថ្មីរហូតដល់ ១១០លានដុល្លារ ក៏ដូចជាឡើងប្រាក់ពលកម្មរហូតទៅដល់ ១លានដុល្លារក្នុងសប្ដាហ៍បែបនេះ ខាង Mbappe មិនទាន់ឆ្លើយតបថាយ៉ាងណានៅឡើយទេ។
នៅខណៈនេះ Mbappe ទទួលបានប្រាក់ពលកម្មពី PSG ជិត ៥០ម៉ឺនដុល្លារក្នុងមួយអាទិត្យ ដោយនឹងដាច់កុងត្រានៅថ្ងៃទី៣០ ខែមិថុនា ឆ្នាំ២០២២ខាងមុខ ដោយនៅពេលនេះ Real Madrid មានភាពជឿជាក់ខ្ពស់ថានឹងអាចយកខ្សែប្រយុទ្ធនេះក្នុងលក្ខណៈ Free Agent ៕