- 2022-02-10 12:33:28
- បាល់ទាត់
Rangnick ចង់បាន គ្រូសញ្ជាតិហុល្លង់នេះ តែកីឡាករ Man Utd ចង់បានគ្រូ PSG មកជំនួសវិញ
- 2022-02-10 12:33:28
- ចំនួនមតិ 0 | ចំនួនចែករំលែក 0
Rangnick ចង់បាន គ្រូសញ្ជាតិហុល្លង់នេះ តែកីឡាករ Man Utd ចង់បានគ្រូ PSG មកជំនួសវិញ
ចន្លោះមិនឃើញ
ចាប់តាំងពីមាន លោក Ralf Rangnick ជាអ្នកចាត់ការបណ្ដោះអាសន្ន ក្រោយបញ្ចប់តំណែង លោក Ole Gunnar Solskjaer តាំងពីខែវិច្ឆិកា ឆ្នាំ២០២១កន្លងទៅមក ក្លឹប Manchester United នៅតែបន្តដំណើរស្វែងរកអ្នកចាត់ការមកដឹកនាំក្លឹបរបស់ខ្លួន មិនទាន់ប្រាកដថាមួយណាឲ្យប្រាកដនៅឡើយទេសម្រាប់រដូវកាលក្ដៅខាងមុខ។
បើយោងតាមការចុះផ្សាយរបស់ Marca ផ្ទៃក្នុងកីឡាករក្រុមបិសាចចង់បាន លោក Mauricio Pochettino គ្រូបង្គោលក្រុម Paris Saint Germain មកដឹកនាំពួកគេ ដោយលោកក៏ធ្លាប់មានបទពិសោធន៍ដឹកនាំនៅ PL កន្លងមកដែរគឺនៅ Southampton និង Spurs ។
យ៉ាងណាផ្ទៃក្នុងរបស់ Man Utd ម្ខាងទៀតគឺមានដូចថ្នាក់ដឹកនាំ Man Utd មួយចំនួន ក៏ដូចជា លោក Rangnick ផ្ទាល់ចង់បាន លោក Erik ten Hag គ្រូបង្គោល Ajax ព្រោះពួកលោកជឿថា គ្រូសញ្ជាតិហុល្លង់នេះនឹងអាចបន្តតិចនិករបស់អ្នកចាត់ការបណ្ដោះអាសន្នសព្វថ្ងៃនេះបាន។ បើតាម Daily Mail ។
ទោះជាការសម្រេចមិនទាន់ច្បាស់លាស់យ៉ាងណាក៏ប៉ុន្តែ លោក Pochettino និង លោក Ten Hag ជាបេក្ខជនឈានមុខគេដែល Man Utd តែងពិចារណាសម្រាប់រដូវកាលក្ដៅខាងមុខនេះសម្រាប់ជំនួសតំណែងលោក Rangnick។
នៅរដូវកាលក្ដៅខាងមុខ Rangnick នឹងអស់កុងត្រាជាអ្នកចាត់ការបណ្ដោះអាសន្នដោយលោកនឹងក្លាយជាទីប្រឹក្សារបស់ Man Utd វិញដោយនៅខណៈនេះ លោកបានជួយក្រុមនេះឲ្យកំពុងឈរនៅចំណាត់ថ្នាក់ទី៥ នៃ PL ដោយមាន ៣៩ពិន្ទុ រី Man City ក្រុមឈានមុន មានរហូតទៅដល់ ៦០ពិន្ទុ៕