- 2022-01-05 12:22:17
- បាល់ទាត់
Liverpool បានបិទទីលានហ្វឹកហាត់បណ្ដោះអាសន្ន ក្រោយសង្ស័យឆ្លងកូវីដ-១៩ ច្រើនករណី
- 2022-01-05 12:22:17
- ចំនួនមតិ 0 | ចំនួនចែករំលែក 0
Liverpool បានបិទទីលានហ្វឹកហាត់បណ្ដោះអាសន្ន ក្រោយសង្ស័យឆ្លងកូវីដ-១៩ ច្រើនករណី
ចន្លោះមិនឃើញ
ក្លឹប Liverpool បានចេញសេចក្ដីព័ត៌មានអម្បាញ់មិញនេះ ដោយនឹងផ្អាកទីលានហ្វឹកហាត់ក្រុមឈុតធំរបស់ខ្លួន AXA Trainning Centreជាបណ្ដោះអាសន្ន នៅក្នុងថ្ងៃនេះ ក្រោយមានការសង្ស័យឆ្លងកូវីដ-១៩ ច្រើនករណី បន្ថែមពីថ្ងៃច័ន្ទ និងថ្ងៃអង្គារកន្លងទៅនេះ។
បើយោងតាមការចុះផ្សាយរបស់ BBC មកទល់នឹងពេលនេះ មានកីឡាករ Liverpool ៣រូបបានឆ្លងជំងឺនេះគឺ អ្នកចាំទី Alisson Becker ខ្សែការពារ Joel Matip និង កីឡាករ Roberto Firmino រីឯបុគ្គលិកក្លឹបនេះ ៥រូប ដែលរាប់បញ្ចូលទាំង លោក Jurgen Klopp អ្នកចាត់ការក្លឹប និង Pep Lijnders ជំនួសការអ្នកចាត់ការក៏បានតេសត្តវិជ្ជមានកូវីដ-១៩ផងដែរ។
ដោយសារតែបញ្ហាទាំងនេះ ក៏ដូចកីឡាករមួយចំនួនមានរបួសផ្សេងៗទៀត Liverpool ក៏បានសម្រេចដាក់ពាក្យស្នើសុំលើកពេល ការប្រកួត Carabao Cup ពាក់កណ្ដាលផ្ដាច់ព្រ័ត្រ តទល់នឹង Arsenal នៅថ្ងៃសុក្រខាងមុខផងដែរ៕