- 2021-12-28 12:35:50
- បាល់ទាត់
Rangnick មិនពេញចិត្តនឹងការលេងរបស់ Man Utd តទល់នឹង Newcastle ទាល់តែសោះ
- 2021-12-28 12:35:50
- ចំនួនមតិ 0 | ចំនួនចែករំលែក 0
Rangnick មិនពេញចិត្តនឹងការលេងរបស់ Man Utd តទល់នឹង Newcastle ទាល់តែសោះ
ចន្លោះមិនឃើញ
លោក Ralf Rangnick អ្នកចាត់ការក្លឹប Manchester United បាននិយាយក្រោយប្រកួតតទល់នឹងក្លឹប Newcastle United នៅក្នុងថ្ងៃនេះ(ម៉ោងកម្ពុជា)ថា លោកមិនពេញចិត្តនឹងការលេងរបស់កូនក្រុមខ្លួនទាល់តែសោះតែម្ដងនៅក្នុងការប្រកួតមួយនេះ។
នៅក្នុងការប្រកួតមួយនេះ Man Utd បានទទួលលទ្ធផល ១-១ ស្មើនឹង Newcastle។ ខាង Newcastle ជាអ្នកអាចរកគ្រាប់បាល់បានមុននៅនាទីទី៧ ស៊ុតចូលដោយខ្សែបម្រើ Allan Saint-Maximin។ ក្រុមបិសាចក្រហមក៏បានស្មើវិញនៅនាទីទី៧១ ដោយខ្សែប្រយុទ្ធ Edinson Cavani ។
ទាក់ទងនឹងការប្រកួតនេះ លោក Rangnick បាននិយាយក្នុងន័យថា កូនក្រុមរបស់លោកគ្រប់គ្រងការប្រកួតនេះ មិនសូវបានល្អទេ។ ពួកគេហាក់ដូចជា មិនប្រើកម្លាំងកាយ ខំលេង រកគ្រាប់ទី២ ដោយអស់ពីសមត្ថភាពរបស់ពួកគេនោះទេ។ អញ្ចឹងហើយលោកមិនពេញចិត្តនឹងការលេងរបស់ពួកគេទាំងស្រុងតែម្ដង។
នៅខណៈនេះ Man Utd ឈរនៅចំណាត់ថ្នាក់ទី៧ នៃការប្រកួត Premier League ដោយមាន ២៨ពិន្ទុ រីឯ Man City ជាក្រុមឈានមុនគេក្នុងប្រកួតនេះ មានរហូតទៅដល់ ៤៧ពិន្ទុឯណោះ៕