- 2021-12-14 02:34:05
- បាល់ទាត់
Ramos ៖ ខ្ញុំនឹងប្រឹងលេងលុះក្ស័យដើម្បី PSG សម្រាប់ជំនួបទល់ Real Madrid
- 2021-12-14 02:34:05
- ចំនួនមតិ 0 | ចំនួនចែករំលែក 0
Ramos ៖ ខ្ញុំនឹងប្រឹងលេងលុះក្ស័យដើម្បី PSG សម្រាប់ជំនួបទល់ Real Madrid
ចន្លោះមិនឃើញ
ខ្សែការពារអតីតប្រធានក្រុមរបស់ Real Madrid, Sergio Ramos បាននិយាយថា ក្រោយពេលខ្លួនមកកាន់ PSG គេនឹងប្រឹងប្រែងលេងលុះក្ស័យ ក្នុងជំនួបទល់ក្រុមចាស់របស់ខ្លួនសម្រាប់ជំនួប UEFA Champions League វគ្គ១៦ក្រុមចុងក្រោយ ដែលបានចាប់ឆ្នោតកាលពីយប់មិញនេះ។
Ramos ទើបតែបានចូលលេងមួយប្រកួតប៉ុណ្ណោះឲ្យ PSG តាំងពីគេបានចាកពេញពី Real Madrid ទៅកាន់ក្លឹបអ្នកមានរបស់បារាំង។ ការដែលបានលេងត្រឹម១ប្រកួតឲ្យក្រុមបារាំងដោយសារតាំងពីទៅដល់ទីនោះគេមានរបួសសាច់ដុំមករហូត ហើយការលេងទល់ក្រុមចាស់នេះគេក៏រំពឹងថា នឹងបានចូលលេង ហើយប្ដេជ្ញាចិត្តថា នឹងលេងឲ្យអស់សមត្ថភាព និយាយទៅនឹងប្រឹងប្រែងប្រយុទ្ធដើម្បី PSG តែមួយមុខប៉ុណ្ណោះ។
ដើមឡើយក្រុមរបស់ Ramos ត្រូវប៉ះ Manchester Uinted ប៉ុន្តែដោយសារបញ្ហាបច្ចេកទេសក៏ត្រូវចាប់គូម្ដងទៀតហើយលើកទី២នោះក្រុម PSG ក៏ត្រូវជប់ Real Madrid វិញម្ដង។ ក្នុងការប៉ះក្រុមចាស់នេះខ្សែការពារ PSG រូបនេះបានសម្ដែងការតាំងចិត្តយ៉ាងខ្លាំងក្នុងការត្រៀមប្រយុទ្ធដើម្បីក្រុម ហើយគេបាននិយាយថា «អ្នកដឹងហើយពីទំហំមនោសញ្ចេតនា និងការស្រឡាញ់សម្រាប់ខ្ញុំជាមួយ Real Madrid ។ ប៉ុន្តែពេលនេះខ្ញុំជាកីឡាកររបស់ PSG ហើយក៏ដល់ពេលដែលខ្ញុំត្រូវការពារ PSG វិញម្ដង។ ខ្ញុំនឹងធ្វើគ្រប់បែបយ៉ាងដើម្បី PSG វាគឺជាកាតព្វកិច្ចដែលគួរតែធ្វើ។ ខ្ញុំនឹងប្រយុទ្ធលុះក្ស័យដើម្បី PSG »។
ខ្សែការពារវ័យ៣៥ឆ្នាំខាងលើត្រូវបានគេចាត់ទុកថាជានិមិត្តរូបម្នាក់នៅ Real ហើយគេមិនដែលចង់ចេញពីក្លឹបមួយនេះឡើយ ប៉ុន្តែដោយសារកុងត្រារបស់គេបានផុតកាលពីខែមិថុនា ហើយការបន្តកុងត្រាថ្មីមិនអាចកើតឡើងបានទើបគេត្រូវបង្ខំចិត្តចាកចេញ និងបានចូលរួមជាមួយ PSG កាលពីដើមរដូវកាល៕