- 2021-12-02 12:40:01
- បាល់ទាត់
Conteថា មកដឹកនាំ Spurs ជាការងារដ៏លំបាកបំផុតក្នុងអាជីពរបស់លោក
- 2021-12-02 12:40:01
- ចំនួនមតិ 0 | ចំនួនចែករំលែក 0
Conteថា មកដឹកនាំ Spurs ជាការងារដ៏លំបាកបំផុតក្នុងអាជីពរបស់លោក
ចន្លោះមិនឃើញ
លោក Antonio Conte អ្នកចាត់ការក្លឹប Tottenham Hotspure បាននិយាយនៅសន្និសីទកាសែតកាលពីម្សិលមិញនេះថា មកដឹកនាំក្លឹប Spurs នេះជាការងារដ៏លំបាកបំផុតនៅក្នុងអាជីពដឹកនាំក្លឹបរបស់លោក។
លោក Conte បាននិយាយថា៖" ពិតណាស់មកដឹកនាំ Spurs នេះជាការងារដ៏លំបាកបំផុតសម្រាប់ខ្ញុំ។ តែខ្ញុំមានភាពរីករាយខ្លាំងនឹងធ្វើវា។ ឥឡូវនេះអ្វីដែលសំខាន់គឺត្រូវបង្កើតគ្រឹះរបស់ក្រុមនេះឲ្យល្អ ហើយយើងនឹងធ្វើការងារសំខាន់បន្ទាប់ទៀត។ ចាប់តាំងពីឆ្នាំមុនមកក្លឹបនេះមានការអន់ថយច្រើន។ បើខ្ញុំប្រៀបធៀប Spurs កាលខ្ញុំនៅដឹកនាំ Chelsea គឺថាក្រុម Spurs នេះខ្លាំងមែនទែន មានការប្រកួតប្រជែងខ្ពស់ "។
លោកបានបន្តថា៖" ខ្ញុំគិតថាទាំងនេះគឺដោយសារតែក្រុមនេះបាត់បង់កីឡាករសំខាន់ៗ ពួកគេមួយចំនួនកាន់តែមានអាយុចាស់ ដែលតម្រូវឲ្យផ្លាស់ប្ដូរ។ ខ្ញុំគិតថា Spurs ឥឡូវនេះកំពុងស្ដាររឿងហ្នឹងហើយ។ ពេលនេះយើងមានតែចាប់ផ្ដើមសារជាថ្មីទេ យើងត្រូវការពេលមួយចំនួនដើម្បីធ្វើវា តែខ្ញុំសង្ឃឹមថា យើងនឹងអាចល្អប្រសើរបានច្រើន "។
Spurs នៅខណៈមានឈរនៅចំណាត់ថ្នាក់លេខ៩ ក្នុងការប្រកួត Premier League ដោយមាន ១៩ពិន្ទុខណៈ Chelsea ក្រុមលេខ១ មានរហូតដល់ ៣៣ពិន្ទុឯណោះ៕