NOCC សង្ឃឹមថាវគ្គរដ្ឋបាលកីឡានៅរតនគីរីនឹងលើកចិត្តសិក្ខាកាមចូលរួមកិច្ចការស្ម័គ្រចិត្ត ស៊ីហ្គេម ២០២៣

2021-11-11 08:15:58
កីឡាផ្សេងៗ

2021-11-11 08:15:58
ចំនួនមតិ 0 | ចំនួនចែករំលែក 0

ចន្លោះមិនឃើញ

អគ្គលេខាធិការនៃគណៈកម្មាធិការជាតិអូឡាំពិកកម្ពុជា (NOCC) វគ្គសិក្សាខ្លី «រដ្ឋបាលកីឡា» ដែលធ្វើឡើងនៅខេត្តរតនគីរីនេះនឹងជួយជំរុញលើកទឹកចិត្តមន្ត្រីកីឡានានានៅទីនោះឲ្យចូលរួមកិច្ចការងារស្ម័គ្រនៅស៊ីហ្គេម ២០២៣ កម្ពុជាធ្វើម្ចាស់ផ្ទះ។

ទិដ្ឋភាពសិក្សា

ឯកឧត្ដម វ៉ាត់ ចំរើន អគ្គលេខាធិការ NOCC បានឲ្យដឹងថា វគ្គសិក្សា «រដ្ឋបាលកីឡា» នេះជាលើកទី២ ហើយសម្រាប់ខេត្តរតនគីរី ខណៈលើកទី១ បានធ្វើឡើងប្រហែល១០ឆ្នាំមុន។ វគ្គសិក្សានេះក៏ជាលើកទី៤ សម្រាប់ឆ្នាំ២០២១ នេះដែរដែល NOCC បានបើកកន្លងទៅ។

ឯកឧត្ដម វ៉ាត់ ចំរើន

ឯកឧត្ដមបន្ថែមទៀតថា បើទោះជាបរិបទកូវីដក្ដី ប៉ុន្តែ NOCC នៅតែបន្តនិរន្តរភាពនៃការបង្កើតវគ្គនេះឡើង ដោយគ្រាន់តែប្ដូរពីការចុះផ្ទាល់មកតាមរយៈ Online ទៅវិញ។ ចំពោះវគ្គសិក្សានេះគ្រូឧបទេសគឺចែករំលែកនូវចំណេះដឹងផ្សេងបន្ថែមដូចជាគុណតម្លៃកីឡា បច្ចេកទេសជំនាញ រដ្ឋបាលកីឡា ទ្រឹស្ដីកីឡាជាដើម។ អ្នកជំនាញផ្នែកកីឡារូបនេះសង្ឃឹមថា បន្ទាប់ពីបញ្ចប់ទៅសិក្ខាកាមនានានឹងចូលរួមលើការងារស្ម័គ្រនៅស៊ីហ្គេម ២០២៣ ដែលត្រូវការកម្លាំងជាច្រើនដើម្បីរៀបចំ។

រំលឹកដែរថា វគ្គសិក្សាខ្លី «រដ្ឋាបាលកីឡា» លើកទី៤ នេះធ្វើឡើងនៅឯខេត្តរតនគីរី ចាប់ពីថ្ងៃទី៨ ដល់ ១១ ខែវិច្ឆិកា ២០២១។ វគ្គសិក្សាចំនួន ៣លើកមុននោះធ្វើឡើងនៅរាជធានីភ្នំពេញ តាកែវ កែប៕

អត្ថបទ៖ នួន ស៊ីណា