- 2021-11-08 07:13:14
- បាល់ទាត់
Bruno និង Ronaldo ជាកីឡាករដែលរិះគន់ការដឹកនាំ Ole ថាគ្មានគោលដៅ
- 2021-11-08 07:13:14
- ចំនួនមតិ 0 | ចំនួនចែករំលែក 0
Bruno និង Ronaldo ជាកីឡាករដែលរិះគន់ការដឹកនាំ Ole ថាគ្មានគោលដៅ
ចន្លោះមិនឃើញ
វិបត្ដិរបស់ក្រុមបិសាចក្រហម Manchester United នៅក្នុងក្រុម កាន់តែបែកធ្លាយច្រើនហើយ ក្រោយពីលេងចាញ់ Liverpool និង Manchester City នៅទឹកដី Old Trafford ។
ដំបូងឡើយថ្នាក់ដឹកនាំក្រុមបិសាចក្រហម ចង់ឱ្យឱកាសលោក Ole ដឹកនាំក្រុមរហូតដល់ចប់រដូវកលានេះ ទើបពួកគេសម្រេចស្វែងរកអ្នកចាត់ការថ្មី។ តែបន្ទាប់ពីចាញ់ Liverpool និង Man City នៅ Old Trafford ជាប់គ្នា និងរកមិនបាន១គ្រាប់សោះនោះ ទើបធ្វើឱ្យកីឡាករក្នុងក្រុមមិនសប្បាយចិត្ត ហើយបន្ទោសទៅលើការដឹកនាំរបស់អ្នកចាត់ការន័រវែស ថាគ្មានគោលដៅនិងគម្រោងច្បាស់លាស់នោះទេ។
ក្នុងនោះកីឡាករ២នាក់ត្រូវបានគេដឹងថាមិនសប្បាយចិត្តខ្លាំងគឺ Bruno និង Ronaldo ។ កីឡាករទាំងពីរនាក់បានបញ្ជាក់ច្បាស់ថាពួកគេមិនទទួលបានគោលដៅច្បាស់លាស់ក្នុងការលេងពីសំណាក់អ្នកចាត់ការ Ole ឡើយ។ ដោយការរៀបក្បូនប្រកួតមិនច្បាស់នេះហើយ ទើបបានជាធ្វើឱ្យក្រុមលេងមិនល្អ។
ជាក់ស្ដែងក្នុងការប្រកួតទល់ Man City កន្លងទៅ លោក Ole បានដាក់ Rashford ចូលលេង ទាំងដែលខ្សែប្រយុទ្ធអង់គ្លេសរូបនេះមិនបានហាត់ជាមួយក្រុម២ថ្ងៃមកហើយ ដោយសារតែឈឺ។ ស្របពេល Donny van de Beek ដែលហាត់ពេញលេញវិញនោះ ដូរចូលជិតនឹងចប់ការប្រកួតទៅហើយ ធ្វើឱ្យរូបគេមិនអាចជួយអ្វីបាននោះទេ។ ការដូរបែបនេះ គឺធ្វើឱ្យកីឡាករលេងក្នុងទីលានស្រាប់នោះ មិនយល់ពីអ្វីដែលជាគោលដៅច្បាស់លាស់ឡើយ៕