- 2021-10-12 13:19:45
- បាល់ទាត់
បែកធ្លាយពីសកម្មភាព Pogba ជាអ្នកជំរុញឲ្យបារាំង ឈ្នះពាន Nations League ម្សិលមិញ
- 2021-10-12 13:19:45
- ចំនួនមតិ 0 | ចំនួនចែករំលែក 0
បែកធ្លាយពីសកម្មភាព Pogba ជាអ្នកជំរុញឲ្យបារាំង ឈ្នះពាន Nations League ម្សិលមិញ
ចន្លោះមិនឃើញ
ក្រុមជម្រើសជាតិបារាំង បានចូលរួមប្រកួតផ្ដាច់ព្រ័ត្រក្របខ័ណ្ឌ Nations League តទល់នឹងក្រុមជម្រើសជាតិអេស្ប៉ាញកាលពីម្សិលមិញ។ ជាលទ្ធផលបារាំងជាអ្នកលើកពាន ក្នុងលទ្ធផល ២-១ ដោយខាងអេស្ប៉ាញជាអ្នកស៊ុតចូលមួយគ្រាប់មុន រីឯបារាំងវាយបកមកវិញចូល២គ្រាប់។
បើយោងតាមវីដេអូចុះផ្សាយផ្សាយដោយ Daily Mail នៅក្នុងថ្ងៃនេះបានឲ្យដឹងមូលហេតុដែលបារាំងឈ្នះនេះក៏ដោយសារតែមានការជួយជ្រោមជ្រែងធំពីខ្សែបម្រើ Paul Pogba ផងដែរដោយនៅពេលសម្រាកក្រោយចប់តង់ទី១ក្នុងប្រកួតម្សិលមិញនេះ នៅក្នុងបន្ទប់ផ្លាស់សំលៀកបំពាក់ បាននិយាយលើកទឹកចិត្ត ក៏ដូចនិយាយពីតិកនិកលេងនៅក្នុងការប្រកួតនៅតង់ទី២ផងដែរ។
តាមប្រភពខាងលើ Pogba បាននិយាយថា៖" យើងត្រូវតែលេងប្រយុទ្ធបុកទៅគេឲ្យខ្លាំងតែម្ដង។ វាត្រូវផ្ដើមពីមុខទៅក្រោយ។ ហើយពេលយើងបានបាល់ យើងស៊ុតទៅខាងគេយកតែម្ដង។ ហើយយើងត្រូវលេងរត់ឲ្យច្រើនហើយ ព្រោះតែខាងគេក៏មានកីឡាករខ្លាំងៗដែរ តែខាងយើងក៏អញ្ចឹងដែរ។ យើងត្រូវតែយកបាល់លេងឲ្យបាន ហើយស៊ុតទៅគេយកមង។ ហើយនៅពាក់កណ្ដាលម៉ោង យើងលេងបែបប្រយុទ្ធទៅគេមង "។
សូមរំលឹកផងដែរថា នេះជាលើកដំបូងហើយសម្រាប់បារាំង ដែលបានឈ្នះពានមួយ។ សម្រាប់អ្នកឈ្នះពាននេះលើកដំបូងគឺព័រទុយហ្គាល់ កាលពីឆ្នាំ២០១៩៕