- 2021-09-23 02:10:08
- បាល់ទះ
គ្រូមហាផ្ទៃមើលឃើញក្រុមនេះល្អជាងគេ មិនមែនក្រុម រាជ វ៉ា ឬក្រុមយុនទេ
- 2021-09-23 02:10:08
- ចំនួនមតិ 0 | ចំនួនចែករំលែក 0
គ្រូមហាផ្ទៃមើលឃើញក្រុមនេះល្អជាងគេ មិនមែនក្រុម រាជ វ៉ា ឬក្រុមយុនទេ
ចន្លោះមិនឃើញ
លោក អ៊ូ សុផល គ្រូបង្វឹកបាល់ទះរបស់ក្រសួងមហាផ្ទៃមើលឃើញថា ក្រុមវិសាខា ជាក្រុមល្អជាងគេក្នុងការប្រកួត៤ស្មើនៃព្រឹត្តិការណ៍ Special Volleyball Challenge នាថ្ងៃទី២៤ខាងមុខនេះ ហើយក៏ជាក្រុមមានភាគរយច្រើនជាងគេក្នុងការលើកពានដែរ។
គ្រូបង្វឹកខាងលើបានឲ្យដឹងថា ក្រុមស្នងការដែមាន ទុយ កុសល ហៅយុនស្រែស្រែ, ឌី លីដា ហៅចាវកំពង់ចាម, ជិន រ៉ាត, កែវ សុធារិទ្ធ, អ៊ឹម ណារិទ្ធ ហៅតាក់អន្លង់វែង និងឃាងប៉ះសេ គឺល្អ។ ចំណែកក្រុមអធិរាជប្រអប់មានស្មាត់រាជ ,ទូចអង្គរក្ស, តោកំណាចស្មីធំ, ផានីត, នួន វិចិត្រ និងស្មាត់ រស់ ហាន់វ៉ាក៏ល្អដូចគ្នា។ ប៉ុន្តែល្អមិនទាន់ដល់ក្រុមរបស់វិសាខាទេ ដោយសារនេះជាការលេងវាយសេវាប្ដូរគ្នាដូចបាល់ប្រកួតផ្លូវការ ហើយបើដូច្នេះវិសាខាចាប់សេវាបានល្អគឺដាច់ហើយ បើសិនវាយសេវាស្ទើរនោះ។
លោកបញ្ជាក់ថា យុនចេញសេវាល្អតែមិនអាចឈរវាយសេវារហូតទេ ដូច្នេះពេលប៉ះវិសាខានៅតែយ៉ាប់ដដែលហ្នឹង។ ចំណែកក្រុមរបស់សុវណ្ណរាជ ដូចគ្នាហ្នឹងពិបាកបាំងវិសាខា ហើយបាំងវិសាខាក៏ធំដែរ។
ពានរង្វាន់នេះ បែងចែកជាវគ្គជម្រុះតាមពូល វគ្គ៨ក្រុមចុងក្រោយ វគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ។ ក្រុមឈ្នះជើងឯកនឹងទទួលបានពានចំនួនមួយ និងថវិកាចំនួន ១០លានរៀល ក្រុមជើងឯករងទទួលបានថវិកា៨លានរៀល និងក្រុមចំណាត់ថ្នាក់លេខ៣ ទទួលបាន៦លានរៀល។ ដោយឡែកពានរង្វាន់ឯកត្តជន (ម្នាក់ៗ) ជាកីឡាករវាយប្រយុទ្ធល្អជាងគេ, កីឡាករធ្វើរនាំងល្អជាងគេ, កីឡាករវាយសេវាល្អជាងគេ និងកីឡាករលើកបាល់ល្អជាងគេ ទទួលរង្វាន់ជាថវិកាម្នាក់ ចំនួន៤សែនរៀល៕