- 2021-09-20 05:22:59
- ប្រដាល់
សហព័ន្ធប្រដាល់សកល សន្យានឹងធ្វើឲ្យរឹតតែល្អនៅប្រកួតបន្ទាប់
- 2021-09-20 05:22:59
- ចំនួនមតិ 0 | ចំនួនចែករំលែក 0
សហព័ន្ធប្រដាល់សកល សន្យានឹងធ្វើឲ្យរឹតតែល្អនៅប្រកួតបន្ទាប់
ចន្លោះមិនឃើញ
អគ្គលេខាធិការសហព័ន្ធប្រដាល់សកល ប្រកួតលើកទី២ ឬប្រកួតបន្ទាប់ទៀតនេះនឹងកែប្រែចំណុចខ្វះខាតមួយចំនួនដូចជាការចាប់គូ បច្ចេកទេសផ្សាយដើម្បីឲ្យរឹតតែល្អជាភាពទាក់ទាញ។
លោក ប៊ុយ សុភ័ណ្ឌ បានឲ្យដឹងថា សម្រាប់ការប្រកួតលើកទី១ ម្សិលមិញនេះបើទោះជាមានបញ្ហាបន្តិចបន្តួចមែន ប៉ុន្តែនៅដំណើរការបានល្អចប់ចុងចប់ដើម។ កីឡាករគឺពិតជាខំប្រឹងប្រែងប្រកួតដោយអស់ពីសមត្ថភាពពិតមែន ហើយលោកជឿជាក់ថានឹងធ្វើឲ្យពួកគេរឹតតែបង្កើនសមត្ថភាពបន្ថែមតាមរយៈកម្មវិធីនេះ។
ចំពោះចំណុចខ្វះខាតខ្លះៗរួមមានការចាប់គូ លោកមើលឃើញថាកីឡាករខ្លះមានសមត្ថភាពខុសគ្នាខ្លាំងជាហេតុធ្វើឲ្យមានអ្នកសន្លប់ច្រើន ដូច្នេះនៅប្រកួតបន្ទាប់នឹងបង្កើតគណៈកម្មការចាប់គូ។ ឯចំណុចមួយទៀតគឺបច្ចេកទេសផ្សាយក៏រអាក់រអួលខ្លះៗផងដែរ ប៉ុន្តែមិនចោទជាបញ្ហាអ្វីណាស់ណាទេ ដូច្នេះក្នុងនាមជាថ្នាក់ដឹកនាំសហព័ន្ធនឹងសន្យាធ្វើឲ្យរឹតតែល្អនៅប្រកួតបន្ទាប់ ដើម្បីជាការទាក់ទាញដល់អ្នកទស្សនា អ្នកគាំទ្រកាន់តែច្រើន។
រំលឹកដែរថា សហព័ន្ធប្រដាល់សកលកម្ពុជា ចាប់ផ្ដើមការប្រកួតសប្ដាហ៍ទី១ របស់ខ្លួនរួចហើយម្សិលមិញនេះនៅក្លឹបនាយដ្ឋានអង្គរក្ស។ គម្រោងរៀបចំការប្រកួតដើម្បីពង្រឹងសមត្ថភាពកីឡាករនេះនឹងធ្វើឡើងរយៈពេល ៦សប្ដាហ៍៕
