- 2021-08-25 14:18:44
- បាល់ទាត់
ល្ហិចល្ហៀងថា Chelsea បដិសេធមិនទិញ Haaland វិញក្រោយទារថ្លៃពលកម្មជិត ៦០លានដុល្លារក្នុងមួយឆ្នាំ
- 2021-08-25 14:18:44
- ចំនួនមតិ 0 | ចំនួនចែករំលែក 0
ល្ហិចល្ហៀងថា Chelsea បដិសេធមិនទិញ Haaland វិញក្រោយទារថ្លៃពលកម្មជិត ៦០លានដុល្លារក្នុងមួយឆ្នាំ
ចន្លោះមិនឃើញ
ក្លឹប Chelsea បានបដិសេធដកសំណើទិញយកខ្សែប្រយុទ្ធ Erling Haaland ពីក្លឹប Borussia Dortmundវិញកាលពីមុនរដូវកាលថ្មីឆ្នាំ២០២១/២២នេះចាប់ផ្ដើម ក្រោយលោក Mino Raiola ភ្នាក់ងារផ្ទាល់របស់កីឡាកររូបនេះបានទារក្លឹបឲ្យថ្លៃពលកម្មជាង ៥៩លានដុល្លារក្នុងមួយឆ្នាំ។ នេះបើយោងតាមការចុះផ្សាយរបស់ BILD នៅក្នុងថ្ងៃនេះ។
មិនតែប៉ុណ្ណោះកំពូលភ្នាក់ងារកីឡាកររូបនេះក៏បានទារថ្លៃសម្របសម្រួលជាងជាង ៤៧លានដុល្លារ ក៏ដូចជាប្រាក់ខែផងដែរ ក្នុងការរៀបចំធ្វើឲ្យ Haaland មកក្លឹបអង់គ្លេសខាងលើក្នុងកុងត្រារយៈពេល ៥ឆ្នាំនេះដែលធ្វើឲ្យក្លឹបនេះត្រូវចំណាយសរុបរហូតជាង ៣៧៧លានដុល្លារឯណោះក្នុងរយៈពេលទាំងនោះ។
បើតាមការចុះផ្សាយរបស់ Daily Mail ក្រោយពីត្រូវចំណាយលុយយ៉ាងសន្ធឹកសន្ធាប់បែបនេះ Chelsea ក៏សម្រេចបដិសេធដកសំណើទិញយក Haaland នេះដោយសម្រេចទិញយក Lukaku ពី Inter Milan ដែលចំណាយលុយត្រឹមជាង ១៣៥លានដុល្លារ និងចំណាយលុយតិចក្នុងថ្លៃពលកម្មវិញ។
យ៉ាងណាក្ដីទាក់ទងនឹងការចង់បាន Haaland នេះ BVB ធ្លាប់បញ្ជាក់ម្ដងហើយម្ដងទៀតថាពួកគេនឹងមិនលក់ Haaland ទេទោះជាមានក្លឹបធំៗមកទាក់ទងចង់បានយ៉ាងណាក៏ដោយ៕