យុន រំលឹកប្រាប់អ្នកគាំទ្រជុំវិញជំនួប៣ស្មើទល់ឌូក ក្ដូ និង ម៉ាប់ឆ្វេង

2021-08-25 01:59:20
បាល់ទះ

2021-08-25 01:59:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាត់ស្ដាំមកពីខេត្តកំពត យុន ស្រែស្រែបាននិយាយក្នុង Live ម្សិលមិញថា គូដែលគេណាត់បបួលលេង៣ស្មើដែលខាង យុន មាន វ៉ា និង រាជ ស្របពេល ឌូក ក្ដូ និង ម៉ាប់ឆ្វេង នោះមិនទាន់ដឹងថា ពេលណាលេងទេ។

កាលពីពេលកន្លងទៅខាង ឌូក ធ្លាប់បាននិយាយថា គូខាងលើនឹងលេងនៅពេលស្ងប់កូវីដបន្តិច។ ប៉ុន្តែម្សិលមិញនេះ យុន បានឆ្លើយទៅកាន់អ្នកគាំទ្ររបស់ខ្លួនថា គូនោះមិនទាន់ដឹងទេ ព្រោះថាគេណាត់ថាលេងហើយស្ងាត់ឈឹង សម្រាប់គេចាំតែលេងប៉ុណ្ណោះ។ យុនបញ្ជាក់ទៀតថាកន្លងមកគូចាប់ចោលចាប់ចោលច្រើនដងហើយ ប៉ុន្តែលើកនេះក៏អាចជាចាប់ចោលដូចគ្នាក៏ថាបាន។

រំលឹកថា គូខាងយុន វ៉ា និងរាជ នេះពិបាករកគូលេងណាស់សម្រាប់៣ស្មើ ។ ដូចដែលប្រិយមិត្តឃើញស្រាប់ថា បីនាក់នេះឈរចាប់បីវ៉ៃកើតទាំងបីហើយបាំងវិញ វ៉ា និងរាជ ចាប់ដៃគ្នានេះដៃគូពិបាកវ៉ៃណាស់ ព្រោះពីរនាក់នេះជំនាញតែម្ដងក្នុងការធ្វើរនាំង។ បើនិយាយពីសេវាវិញ យុន ពេលនេះចោះរកចន្លោះច្បាស់ហើយធ្ងន់ទៀតដូច្នេះទើបពិបាករកដៃគូលេង ចំណុចដែលពិសេសមិនអាចមើលរំលងបានគឺបីនាក់យុន វ៉ា និងរាជ នេះលេងស៊ីចង្វាន់គ្នាមែនទែន៕

អត្ថបទ៖ ស្រី សុវណ្ណដារ៉ា