- 2021-08-12 04:05:36
- ប្រដាល់
ស៊ើបពីប្រវត្តិដៃគូថ្មីរបស់ Pacquiao និងស្នៀតប្រយុទ្ធលើសង្វៀនថាល្អកម្រិតណា?
- 2021-08-12 04:05:36
- ចំនួនមតិ 0 | ចំនួនចែករំលែក 0
ស៊ើបពីប្រវត្តិដៃគូថ្មីរបស់ Pacquiao និងស្នៀតប្រយុទ្ធលើសង្វៀនថាល្អកម្រិតណា?
ចន្លោះមិនឃើញ
កីឡាករគុយបា Yordenis Ugas នឹងចូលខ្លួនមកជំនួស Errol Spence ប្រកួតជាមួយ Manny Pacquiao នៅថ្ងៃទី ២១ ខែ សីហា ឆ្នាំ ២០២១ខាងមុខ។
តាមការរៀបចំ Spence ត្រូវឡើងការពារខ្សែក្រវាត់ប្រភេទទម្ងន់ Welterweight ស្ថាប័ន WBC និង IBF ទល់នឹង Pacquiao។ ប៉ុន្តែដោយសារ Spence មានបញ្ហារបួសភ្នែកត្រូវវះកាត់បន្ទាន់ ទើបសម្រេចចិត្តដកខ្លួនមិនប្រកួត ជំនួវវិញដោយ Yordenis។
តើ Yordenis មានប្រវត្តិប្រកួតបែបណា?
Yordenis បច្ចុប្បន្នមានវ័យ៣៥ឆ្នាំ កម្ពស់១,៧៥ម៉ែត្រ ធ្លាប់ជាអតីតជម្រើសជាតិរបស់គុយបា។ គេធ្លាប់យកបានមេដាយសំរឹទ្ធិក្នុងព្រឹត្តិការណ៍អូឡាំពិកទីក្រុងប៉េកាំង ឆ្នាំ២០០៨ និងឈ្នះមេដាយមាស៣គ្រឿងក្នុងព្រឹត្តិការណ៍ធំៗ៣ផ្សេងគ្នារួមមាន World Championships, Central American and Caribbean Games និង Pan American Games។
កីឡាករដែលជំនាញដៃស្ដាំរូបនេះមានប្រវត្តិប្រកួត៣០ដងឈ្នះ២៦ដង ចាញ់៤ដង និងផ្ដួលដៃគូបោះបង់ការប្រកួត១២ដង។ ស្ថិតិពិសេស នៅ១២ប្រកួតចុងក្រោយ Yordenis ចាញ់តែម្ដងគត់ ក្រោមថ្វីដៃកីឡាករអាមេរិក Shawn Porter កាលពីឆ្នាំ២០១៩។
រូបគេដណ្ដើមបានខ្សែក្រវាត WBA ប្រភេទទម្ងន់ Welterweight កាលពីខែ កញ្ញា ឆ្នាំ ២០២០ ក្រោយយកឈ្នះកីឡាករអាមេរិក Abel Ramos។ ជួបគ្នាជាមួយ Pacquiao គឺជាការចេញមកការពារខ្សែក្រវាត់ជាលើកដំបូងសម្រាប់ Yordenis៕
ខាងក្រោមជាវីដេអូប្រកួតរបស់ Yordenis