Rafael ទម្លាយថាគេត្រូវចាកចេញពី Man Utd កាលពីឆ្នាំ២០១៥ ដោយសារតែ Van Gaal ស្អប់កីឡាករប្រេស៊ីល

2021-07-29 12:12:35
បាល់ទាត់

2021-07-29 12:12:35
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករដើមកំណើតប្រេស៊ីល Rafael បាននិយាយទម្លាយពីមូលហេតុដែលគេត្រូវចាកចេញពីក្លឹប Manchester United កាលពីឆ្នាំ២០១៥ កាលពីពេលថ្មីៗនេះថា គឺដោយសារតែលោក Louis van Gaal ដែលជាអ្នកចាត់ការក្លឹបនេះកាលពីកំឡុងឆ្នាំ២០១៤-២០១៦ ស្អប់មិនពេញចិត្តនឹងកីឡាករប្រេស៊ីល។

Rafael បាននិយាយថា៖" ខ្ញុំមិនដែលទទួលបានការបកស្រាយណាមួយទេតាំងពីពេលចាកចេញពី Man Utd ហ្នឹងតាំងពីឆ្នាំ២០១៥មក ។ និយាយទៅពេល Van Gaal គាត់មកដឹកនាំក្លឹបហ្នឹង គាត់បាននិយាយប្រាប់ខ្ញុំឲ្យចេញពីក្លឹបមួយហ្នឹង។ គាត់ហ្នឹងជាមនុស្សដែលគិតយកតែកីឡាករណាដែលគាត់ចង់បាន បើគាត់អត់ចង់បាន គាត់ដូរ គាត់លក់ចេញភ្លាមៗតែម្ដង។ គាត់អត់ដែលប្រាប់ខ្ញុំពីមូលហេតុសោះតែម្ដង ម៉េចបានលក់ខ្ញុំចេញ "។

កីឡាករនេះបានបន្តថា៖" ប៉ុន្តែបើតាមអ្នកផ្សេងដែលគេធ្លាប់ប្រាប់ តាំងពីគាត់មិនទាន់មកដឹកនាំក្លឹបហ្នឹងម្ល៉េះថា Van Gaal ហ្នឹងគាត់ស្អប់កីឡាករប្រេស៊ីល។ ខ្ញុំមិនដឹងរឿងហ្នឹងពិតមិនពិតទេ តែខ្ញុំឮតាមគេប្រាប់គឺថារឿងហេតុទាំងអស់នេះចាប់ផ្ដើមកើតឡើងនៅពេលគាត់ធ្វើជាគ្រូបង្គោលនៅ Barca ចន្លោះឆ្នាំ១៩៩៧-២០០០ ហើយពេលហ្នឹងគាត់បានឲ្យខ្សែបម្រើប្រេស៊ីល Rivaldo អង្គុយតែលើបង់ចោល ហើយអញ្ចឹងទៅកីឡាករនេះក៏ចាប់ផ្ដើមនិយាយអាក្រក់ពីគាត់ ចង់បណ្ដេញគាត់ចេញពីតំណែង។ ហើយចាប់តាំងពីពេលហ្នឹងមក គាត់ចាប់ផ្ដើមស្អប់កីឡាករប្រេស៊ីលដោយបាននិយាយថា ពួកកីឡាករប្រេស៊ីលហ្នឹងចូលចិត្តដេញគ្រូបង្គោលចេញពីតំណែងណាស់ គាត់និយាយន័យបែបអញ្ចឹងៗ "។

គួរបញ្ជាក់ផងដែរថា ក្រោយ Rafael ចេញពី Man Utd នៅឆ្នាំ២០១៥ កីឡាករនេះក៏បានបន្តទៅលេងឲ្យ Lyon បន្ត ហើយនៅក្នុងពេលនេះខ្សែបម្រើរូបនេះកំពុងលេងឲ្យក្លឹប İstanbul Başakşehir ដែលជាក្លឹបមួយក្នុងប្រទេសទួរគី។

ប្រភព៖ Dailymail ប្រែសម្រួល៖ ហ៊ីម រស្មី