- 2021-07-26 06:19:00
- បាល់ទះ
ឥន្ទ្រីស្លាបដែក សុខ រ៉ាដូ ពីមុនមកវិញហើយ វ៉ៃលើបាំងនិងត្រាវែខ្លីល្អដូចផ្កា
- 2021-07-26 06:19:00
- ចំនួនមតិ 0 | ចំនួនចែករំលែក 0
ឥន្ទ្រីស្លាបដែក សុខ រ៉ាដូ ពីមុនមកវិញហើយ វ៉ៃលើបាំងនិងត្រាវែខ្លីល្អដូចផ្កា
ចន្លោះមិនឃើញ
ការប្រកួតមិត្តភាពបីស្មើក្រៅផ្លូវការថ្មីៗនេះ សុខ រ៉ាដូ បានបង្ហាញសមត្ថភាពល្អមិនធម្មតា ធ្វើឱ្យអ្នកតាមដានបាល់ទះកោតសរសើរថាក្ដូពីមុនវិលមកវិញហើយ ដោយគេបានយកឈ្នះលើក្រុមដាវញីឈ្មោលដល់២សិតជាប់គ្នា។
ចំពោះការប្រកួតដ៏ជក់ចិត្តនេះ ភាគតិចណាស់ដែលកីឡាកររហស្សនាមឥន្ទ្រីស្លាបដែក វ៉ៃជាប់រនាំងរបស់កីឡាករប្ដូរចង្កេះលើអាកាស វ៉េត សុវណ្ណនាថ។ ភាគច្រើនដៃគូចាក់ទឹកមិនលិចឥន្ទ្រីពិឃាដឌូករូបនេះ ធ្វើបានល្អ វ៉ៃលើរនាំង ប្រឡោះរនាំង និងត្រាវែខ្លីធ្ងន់ៗថែមទៀតផង។
អ្វីកាន់តែពិសេសនោះ ការធ្វើរនាំងរបស់ស្មាត់ធំមកពីខេត្តត្បូងឃ្មុំ ហាក់យល់ពីគូប្រកួតច្រើនដែលធ្វើឱ្យសុវណ្ណនាថខ្លាចរអាក្នុងការវ៉ៃ។ សិតទី១ស្មាត់ក្ដូយកឈ្នះក្រុមដាវញីឈ្មោលក្នុងលទ្ធផល ១៥-១០ និងសិតទី២ឈ្នះ ១៥-១៣ ពិន្ទុ។
ក្រុមរបស់ស្មាត់ធំរបស់ឥន្ទ្រីស្លាបដែកមានរូបគេផ្ទាល់ ហួរព្រែកតាមាក់ និងសុវណ្ណប៉ះសេ ចំណែកខាងដាវញីឈ្មោលមានម៉ាប់ឆ្វេង សុវណ្ណនាថ និងថន(សិង្ហពិឃាដ)ប៉ះសេ៕