- 2021-07-21 11:52:50
- ព័ត៌មាន
កីឡាករក្លឹបអាហ្សង់ទីន ទៅវាយជាមួយកីឡាករក្លឹបប្រេស៊ីលដល់បន្ទប់ផ្លាស់សំលៀកបំពាក់ ក្រោយ VAR អត់ផ្ដល់គ្រាប់បាល់ឲ្យ
- 2021-07-21 11:52:50
- ចំនួនមតិ 0 | ចំនួនចែករំលែក 0
កីឡាករក្លឹបអាហ្សង់ទីន ទៅវាយជាមួយកីឡាករក្លឹបប្រេស៊ីលដល់បន្ទប់ផ្លាស់សំលៀកបំពាក់ ក្រោយ VAR អត់ផ្ដល់គ្រាប់បាល់ឲ្យ
ចន្លោះមិនឃើញ
កីឡាករក្លឹបអាហ្សង់ទីន Boca Junior ត្រូវបានវីដេអូថតជាប់ថា ទៅវាយគ្នាជាមួយនឹងកីឡាករក្លឹប Atletico Mineiro ដល់បន្ទប់ផ្លាស់សំលៀកបំពាក់កាលពីយប់ថ្ងៃអង្គារកន្លងទៅ ក្រោយមានរឿងកើតទុក្ខមិនសុខចិត្ត ទាក់ទិននឹងប្រព័ន្ធវីដេអូជំនួយអាជ្ញាកណ្ដាល VAR មិនផ្ដល់គ្រាប់បាល់ឲ្យទៅក្លឹប Boca។
ខាងអាហ្សង់ទីនក៏រួមមាន អតីតខ្សែការពារ Manchester United កីឡាករ Marco Rojo ចូលរួមវាយគ្នានឹងគេផងដែរ។ នៅពេលភាគីទាំងសងខាងប៉ះគ្នា គេសង្កេតឃើញប្រធានក្លឹបប្រេស៊ីល បានគប់ដបទឹកសុទ្ធទៅកាន់កីឡាករអាហ្សង់ទីន ហើយខាងប៉ូលិសបានចូលទៅសម្របសម្រួល ដោយប្រើឧស្ម័នបង្ហូរទឹកភ្នែកបាញ់ទៅខាងអាហ្សង់ទីន។ ជាលទ្ធផល ខាងប្រតិភូរបស់ក្លឹបអាហ្សង់ទីនចំនួន ៨នាក់ត្រូវបានចាប់ខ្លួន។ ខាងក្លឹបអាហ្សង់ទីនបានអះអាងថា ខ្លួននឹងមិនត្រលប់ទៅស្រុកវិញឡើយ បើសមាជិករបស់ខ្លួនមិនត្រូវបានដោះលែង។
ហេតុការណ៍នេះកើតឡើងនៅក្រោយបញ្ចប់ការប្រកួតរវាងក្លឹបទាំងពីរនៅក្នុងវគ្គ ១៦ ក្រុមចុងក្រោយនៃពាន Copa Libertadores (ពានស្រដៀងនឹង Champions League នៅទ្វីបអាមេរិកខាងត្បូង) ដែលខាងប្រេស៊ីលធ្វើជាម្ចាស់ផ្ទះ។ ប្រកួតយប់ថ្ងៃអង្គារនេះជាប្រកួតជើងទី២ ហើយ ដោយប្រកួតទាំងពីរជើងបញ្ចប់លទ្ធផល ២-២ ហើយនៅជើងទី២ បញ្ចប់ដោយលទ្ធផល ០-០។ នៅពេលស្មើគ្នានេះ ក្លឹបទាំងពីរបានទាត់បាល់ប៉េណាល់ទីកាត់សេចក្ដី ដោយជាលទ្ធផល ខាងប្រេស៊ីលជាអ្នកឈ្នះក្នុងលទ្ធផល ៣-១។
កីឡាករខាងក្លឹបអាហ្សង់ទីនបានសម្ដែងភាពមិនសប្បាយចិត្ត ដោយសារតែខ្លួនជួបរឿងអយុត្តិធម៌ទាំងពីរជើង ដោយកាលពីជើងទី១ ក៏មានបញ្ហា VAR មិនឲ្យមានគ្រាប់បាល់ ហើយជើងទី២ ក៏ដូចគ្នាហ្នឹងដែរ៕
Cascini también forcejeó en los incidentes.pic.twitter.com/W5WWp8dUiZ
— Planeta Boca Juniors (en ?) (@PlanetaBoca) July 21, 2021