- 2021-07-19 08:52:53
- បាល់ទាត់
Spence និយាយជាលើកទីពីរថា នឹងវាយ Pacquiao ឲ្យចូលនិវត្តន៍ គ្រប់គ្នានឹងឃើញ
- 2021-07-19 08:52:53
- ចំនួនមតិ 0 | ចំនួនចែករំលែក 0
Spence និយាយជាលើកទីពីរថា នឹងវាយ Pacquiao ឲ្យចូលនិវត្តន៍ គ្រប់គ្នានឹងឃើញ
ចន្លោះមិនឃើញ
អ្នកប្រដាល់អាមេរិក Errol Spence Jr នៅតែនិយាយដដែលថា នឹងឲ្យជើងខ្លាំង Manny Pacquiao ចូលនិវត្តន៍ ក្រោយពីប្រកួតជាមួយគេចប់។
អ្នកប្រដាល់មិនដែលចាញ់ Spence នឹងត្រូវការពារខ្សែក្រវាត់២គ្រឿងរបស់ខ្លួនគឺ WBC និង IBF ប្រភេទទម្ងន់ Welterweight ទល់នឹង Pacquiao នៅថ្ងៃទី ២១ ខែ សីហាខាងមុខ។ កីឡាករវ័យ៣១ឆ្នាំមានកំណត់ត្រាល្អណាស់ប្រកួត២៧ដង មិនដែលចាញ់ ជាពិសេសផ្ដួលដៃគូឲ្យសន្លឹប២១ដង។
Spence មានជំនឿចិត្តថា ប្រសិនបើអាចឈ្នះ Pacquiao បានគេនឹងក្លាយជាជើងខ្លាំងកំពូលបំផុតនៅប្រភេទទម្ងន់ Welterweight។ កាលពីខែ មិថុនា Spence បាននិយាយថា នឹងវាយ Pacquiao ឲ្យសន្លប់ ហើយចូលនិវត្តន៍តែម្ដង។
ថ្មីៗនេះក្នុងកម្មវិធីសម្ភាសន៍មួយ Spence នៅតែនិយាយដដែលថា៖ "ខ្ញុំគិតថា គេនឹងចូលនិវត្តន៍ បន្ទាប់ពីប្រកួតនេះចប់។ ខ្ញុំមិនដឹងថាអាចវាយគេឲ្យសន្លប់ឬយ៉ាងណា តែពួកយើងនឹងឃើញ"៕
