- 2021-07-10 09:12:24
- កីឡាផ្សេងៗ
ទិវាហែលទឹកអន្តរជាតិ សហព័ន្ធខ្មែរកីឡាហែលទឹកធ្វើពិធីប្រកួតបាល់ទឹកជាការអបអរ
- 2021-07-10 09:12:24
- ចំនួនមតិ 0 | ចំនួនចែករំលែក 0
ទិវាហែលទឹកអន្តរជាតិ សហព័ន្ធខ្មែរកីឡាហែលទឹកធ្វើពិធីប្រកួតបាល់ទឹកជាការអបអរ
ចន្លោះមិនឃើញ
លោក ហែម គីរី ក្នុងទិវាហែលទឹកអន្តរជាតិ (Fina world Aquatics Day) នេះសហព័ន្ធខ្មែរកីឡាហែលទឹកធ្វើពិធីប្រកួតបាល់ទឹកបែបកម្សាន្តដើម្បីជាការអបអរផង និងជាការពង្រីកផ្សព្វផ្សាយពីវិញ្ញាសានេះផង។
លោក ហែម គីរី បានឲ្យដឹងថា តាមពិតទៅពិធីអបអរក្នុងថ្ងៃទិវាហែលទឹកអន្តរជាតិ (Fina world Aquatics Day) នេះត្រូវធ្វើតាំងពីខែឧសភា មកម្ល៉េះប៉ុន្តែដោយសារតែការរីករាលដាលជំងឺកូវីដ ជាបន្តបន្ទាប់ទើបត្រូវលើកពេល។ យ៉ាងណានៅព្រឹកមិញនេះជាពេលវេលាសមស្របសហព័ន្ធ រួមនិងកីឡាករ កីឡាការិនីបានធ្វើការប្រកួតបាល់ទឹកជាការអបអររួចរាល់ផងដែរ។
អគ្គលេខាធិការសហព័ន្ធខាងលើបន្ថែមទៀតថា ការលើកយកវិញ្ញាសាបាល់ទឹកមកប្រកួតនេះគឺចង់បំផុសឲ្យមហាជនបានដឹង និងមានការគាំទ្រ។ មួយវិញទៀតគោរពតាមគោលការណ៍របស់ប្រធានសហព័ន្ធដែលចង់ឲ្យមានសកម្មភាពបាល់ទឹកនេះឲ្យបានច្រើន។
រំលឹកដែរថា សហព័ន្ធខ្មែរកីឡាហែលទឹកព្រឹកមិញនេះបានធ្វើការប្រកួតមិត្តភាពរវាងកីឡាករ កីឡាការិនីដែលកំពុងហ្វឹកហាត់នៅពហុកីឡដ្ឋានមរតកតេជោ ដើម្បីជាការអបអរដល់ទិវាហែលទឹកអន្តរជាតិ (Fina world Aquatics Day)៕