- 2021-06-16 02:43:29
- កីឡាផ្សេងៗ
«Olympic Day» កម្ពុជានឹងធ្វើតាម Online ជំរុញលើកទឹកចិត្តឲ្យគ្រប់គ្នាហាត់កីឡា
- 2021-06-16 02:43:29
- ចំនួនមតិ 0 | ចំនួនចែករំលែក 0
«Olympic Day» កម្ពុជានឹងធ្វើតាម Online ជំរុញលើកទឹកចិត្តឲ្យគ្រប់គ្នាហាត់កីឡា
ចន្លោះមិនឃើញ
ឯកឧត្ដម វ៉ាត់ ចំរើន «Olympic Day» នឹងធ្វើនៅថ្ងៃទី២៣ ខែមិថុនា ២០២១ តាមរយៈ Online និងមានកីឡាករ កីឡាការិនីធ្លាប់ចូលរួមការប្រកួតអូឡាំពិកនានា ដើម្បីបង្ហាញពីសារសំខាន់នៃការហាត់កីឡា។
ឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា បានឲ្យដឹងថា «Olympic Day» គឺជាថ្ងៃដែលបណ្ដាប្រទេសនានាជាសមាជិកអូឡាំពិកទាំងអស់លើពិភពលោកធ្វើពិធីរំលឹកនៃគុណតម្លៃកីឡាក៏ដូចជាក្រើនរំលឹកដល់ការហាត់កីឡាជាដើម។
សម្រាប់កម្ពុជានឹងជ្រើសរើសថ្ងៃទី២៣ ក្នុងខែនេះដើម្បីប្រារព្ធពិធីមួយនេះ ប៉ុន្តែក្នុងភាពជាក់ស្ដែងនៃកូវីដ ១៩ គឺតម្រូវឲ្យធ្វើតាមរយៈ Online នោះទេ ខុសពីឆ្នាំមុនៗមានសមត្ថភាព និងការចូលរួមច្រើន។
ចំពោះគម្រោងនៃការធ្វើនៅថ្ងៃទី២៣ នេះគណៈកម្មការជាតិអូឡាំពិកនៃកម្ពុជា នឹងប្រមែប្រមូលអ្នកដែលធ្វើចូលរួមក្នុងព្រឹត្តិការណ៍អូឡាំពិកកន្លងទៅឲ្យធ្វើការបង្ហាញអំពីគុណប្រយោជន៍ត្រឹមត្រូវនៃការហ្វឹកហាត់កីឡា ដើម្បីជាការជំរុញលើកទឹកចិត្តឲ្យអ្នកគ្រប់គ្នាងាកទៅសកម្មក្នុងការហាត់។ មួយវិញទៀតលើកទឹកចិត្តដល់ក្រុមកីឡាករ កីឡាការិនីឲ្យស្ថិតនៅក្នុងភាពរឹងមាំនៃដំណាក់កាលកូវីដ ១៩ ដែលរឹតត្បិតការទំនាក់ទំនងគ្នាជាដើម។
រំលឹកដែរថា គណៈកម្មការជាតិអូឡាំពិកនៃកម្ពុជា (NOCC) តែងតែប្រារព្ធពិធី «Olympic Day» ផងដែរនាពេលកន្លងទៅ។ ចំណែកឆ្នាំនេះនឹងធ្វើឡើងជាថ្មីនៅថ្ងៃទី២៣ ខែមិថុនា ឆ្នាំ២០២១ តាម Online៕