/60bdf7d09d58e_1623062460_medium.jpg)
- 2021-06-07 13:30:21
- បាល់ទាត់
Pereira អត់ចង់មក Man Utd ទេ ដោយចង់បន្តលេងនៅអ៊ីតាលី
- 2021-06-07 13:30:21
- ចំនួនមតិ 0 | ចំនួនចែករំលែក 0
Pereira អត់ចង់មក Man Utd ទេ ដោយចង់បន្តលេងនៅអ៊ីតាលី
ចន្លោះមិនឃើញ
ខ្សែបម្រើក្លឹប Manchester United កីឡាករ Andreas Pereira បាននិយាយនៅក្នុងថ្ងៃនេះថា គេចង់លេងឲ្យក្លឹប Lazio ម្ដងទៀតក្នុងរដូវកាលក្រោយ។
Pereira បាននិយាយថា៖" Premier League Serie A និង La Liga? លីគកំពូលទាំងនេះសុទ្ធតែជាលីគលំដាប់កំពូលតែទាំងអស់ហ្នឹង។ ជាពិសេសគឺលីគកំពូលអង់គ្លេសហ្នឹង ត្រូវការឲ្យយើងមានកាយសម្បទារឹងមាំណាស់។ ហើយដូចអ្នកទាំងអស់គ្នាមើលឃើញអញ្ចឹង ខ្ញុំមិនសូវបានរឿងកាយសម្បទាហ្នឹងទេ(គេនិយាយបែបលេងសើច)។ តាមពិតខ្ញុំពេញចិត្តនឹងលេងនៅអង់គ្លេសណាស់ដែរ តែបាល់នៅអេស្ប៉ាញត្រូវនឹងបែបបទដែលខ្ញុំចង់លេងជាង "។
កីឡាករនេះបន្តថា៖" និយាយទៅអនាគតរបស់ខ្ញុំ ខ្ញុំចង់បន្តនៅលេងឲ្យ Lazio ម្ដងទៀត ប៉ុន្តែម៉េចក៏ដោយនេះវាអាស្រ័យលើការសម្រេចរបស់ក្លឹប Man Utd ពួកគេចង់ឲ្យខ្ញុំធ្វើអី ព្រោះខ្ញុំនៅជាប់កុងត្រាជាមួយគេ ណាមួយក្លឹបហ្នឹងដូចផ្ទះទី២របស់ខ្ញុំអញ្ចឹង ខ្ញុំមកហ្នឹងតាំងពីអាយុ១៦ឆ្នាំមក "។"។
គួរបញ្ជាក់ផងដែរថា Pereira នឹងចប់កុងត្រាខ្ចីជើងឲ្យ Lazio នៅថ្ងៃទី៣១ ខែមិថុនា ឆ្នាំ២០២១ ហើយកីឡាករនេះចប់កុងត្រាជាមួយ Man Utd នៅឆ្នាំ២០២៣ខាងមុខ៕
