- 2021-06-01 08:49:48
- កីឡាផ្សេងៗ
ស្អាត! អាងហែលទឹកតម្លៃប្រហែល២លានដុល្លារ នៅបាត់ដំបងនឹងរួចរាល់ខែនេះហើយ
- 2021-06-01 08:49:48
- ចំនួនមតិ 0 | ចំនួនចែករំលែក 0
ស្អាត! អាងហែលទឹកតម្លៃប្រហែល២លានដុល្លារ នៅបាត់ដំបងនឹងរួចរាល់ខែនេះហើយ
ចន្លោះមិនឃើញ
អាងហែលទឹកកម្រិតស្តង់ដារអន្តរជាតិ និងមានតម្លៃប្រហែល២លានដុល្លារដែលសាងសង់នៅទីរួមខេត្តបាត់ដំបង នឹងបញ្ចប់រួចរាល់នៅចុងខែមិថុនានេះហើយ។
លោក ហែល គីរី អគ្គលេខាធិការសហព័ន្ធខ្មែរកីឡាហែលទឹកបានឲ្យដឹងថា អាងហែលទឹកកម្រិតស្តង់ដារអន្តរជាតិនៅខេត្តបាត់ដំបងគឺសាងសង់រួចរាល់ប្រហែល ៩៥% ហើយ និងនៅសល់ការងារតិចតួចប៉ុណ្ណោះ។ ការបំពាក់គ្រឿងសំខាន់ៗគឺរួចរាល់ហើយ ខណៈការដាក់ទឹកសាកល្បង និងការងារមួយចំនួនទៀតកំពុងធ្វើជាបន្តបន្ទាប់។
អ្នកជំនាញហែលទឹករូបនេះបន្ថែមទៀតថា ចំពោះការសាងសង់នេះគឺធ្វើលឿនមុនការកំណត់ទៅទៀត បើតាមគម្រោងត្រូវបញ្ចប់អំឡុងខែសីហានោះទេ ប៉ុន្តែជាក់ស្ដែងនឹងរួចនៅចុងខែមិថុនា។ រំលឹកដែរថា អាងហែលទឹកនៅឯក្រុងបាត់ដំបងនេះចាប់ផ្ដើមសាងសង់តាំងពីពាក់កណ្ដាលខែសីហា ឆ្នាំ ២០១៩។ ចំពោះថវិកាដែលត្រូវចំណាយនោះប្រហែល២លានដុល្លារ៕