Lingard៖ West Ham ជាកន្លែងដ៏ពិសេសមួយសម្រាប់ខ្ញុំ ទោះអនាគតទៅមុខទៀតយ៉ាងម៉េចក៏ដោយ

2021-05-28 14:14:03
បាល់ទាត់

2021-05-28 14:14:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Jesse Lingard បានសរសេរសារមួយដល់ក្លឹប West Ham United នៅលើបណ្ដាញសង្គម Instagram ផ្ទាល់របស់គេមុនពេលត្រលប់ទៅក្លឹប Manchester United កាលពីពេលថ្មីៗនេះ។

នៅក្នុងសារដ៏ពិសេសមួយនេះ Lingard បានសម្ដែងនូវការអរគុណយ៉ាងជ្រៀលជ្រៅទៅដល់ អ្នកចាត់ការ មិត្តរួមក្រុម បុគ្គលិក និងអ្នកគាំទ្ររបស់ West Ham ទាំងអស់ដែលបានទុកចិត្តជឿជាក់គេរហូតមក ដែលធ្វើឲ្យគេងាយសម្របខ្លួននឹងក្លឹបមួយនេះ។

មិនតែប៉ុណ្ណោះ នៅក្នុងសារថ្លែងអំណរគុណមួយនេះ កីឡាករខាងលើបានលើកឡើងថា៖" ទោះជាអនាគតអាជីពបាល់ទាត់របស់ខ្ញុំនៅពេលខាងមុខទៅជាយ៉ាងណាក៏ដោយ ក៏ក្លឹប West Ham ជាកន្លែងដ៏សំខាន់មួយនៅក្នុងបេះដូងរបស់ខ្ញុំ "។

គួរបញ្ជាក់ផងដែរថា Lingard បានមកលេងឲ្យ West Ham ក្នុងលក្ខខណ្ឌខ្ចីជើងពី Man Utd នៅដើមរដូវកានេះ និងចប់កុងត្រាវិញនៅថ្ងៃទី៣០ ខែឧសភា ឆ្នាំ២០២១ខាងមុខ ដោយកីឡាករចូលរួមក្នុងក្លឹបបាន ១៦ប្រកួត និងរកបាន ៩គ្រាប់៕