- 2021-05-20 02:31:38
- បាល់ទាត់
គ្រាប់បាល់ Own Goal ដ៏ហួសចិត្តកើតឡើងលើ Spurs យប់មិញ អ្នកគាំទ្រស្រឡាំងកាំង
- 2021-05-20 02:31:38
- ចំនួនមតិ 0 | ចំនួនចែករំលែក 0
គ្រាប់បាល់ Own Goal ដ៏ហួសចិត្តកើតឡើងលើ Spurs យប់មិញ អ្នកគាំទ្រស្រឡាំងកាំង
ចន្លោះមិនឃើញ
ខ្សែការពារ Sergio Reguilon របស់ Spurs បានធ្វើឲ្យចូលទីខ្លួនឯងជាមួយគ្រាប់បាល់មិនគួរឲ្យជឿ ធ្វើឲ្យក្រុមចាញ់ Aston Villa ១-២ កាលពីយប់មិញនៃក្របខណ្ឌ Premier League។
ខ្សែបម្រើប្រយុទ្ធ Steven Bergwijn ជាអ្នករកគ្រាប់នាំមុខឲ្យ Spurs ត្រឹមនាទីទី៨។ ប៉ុន្តែនៅ១២នាទីបន្ទាប់ខ្សែការពារ Reguilon បានភ្លាត់ទាត់បាល់ផ្ដាច់ តែទាត់មិនចំជើងល្អ បាល់ក៏បោះចូលទីផុតដៃអ្នកចាំទី Hugo Lloris។
នាទី៣៩ កីឡាករ Ollie Watkins រកបានគ្រាប់ទីពីរឲ្យ Aston ហើយក៏ជាគ្រាប់ជ័យជម្នះក្នុងការប្រកួតនេះដែរ។ បរាជ័យនេះបានធ្វើឲ្យ Spurs ធ្លាក់ទៅលេខ៧ អាចនឹងបាត់បង់ឱកាសទៅលេងនៅ Europa League រដូវកាលក្រោយ ខណៈលីគនៅសល់តែមួយប្រកួតទៀតប៉ុណ្ណោះ។
អ្នកគាំទ្រជាច្រើនបានបង្ហាញការហួសចិត្តចំពោះគ្រាបបាល់ Own Goal របស់ Reguilon ដោយមិននឹកស្មានបាល់នោះទៅជាបែបនឹង។ អ្នកគាំទ្រម្នាក់បានសរសេរលើបណ្ដាញសង្គម Twitter ថា Reguilon នឹងឈ្នះពាន Puskas ឯម្នាក់ទៀតថា Reguilon ជាកីឡាកររបស់ Villa ដែលគេចូលចិត្ត៕